मुस्ताङमा चार दलबाट आठ जनाको उम्मेदवारी

ब्लग

नेपाल लाइभ सोमबार, कात्तिक ६, २०७४ १४:१७

मुस्ताङ- प्रदेश सभा र प्रतिनिधि सभाको पहिलो चरणको निर्वाचनका लागि मुस्ताङमा आठ जना उम्मेदवारले मनोनयन दर्ता गरेका छन्।

प्रतिनिधि सभातर्फ १ र प्रदेश सभातर्फ २ निर्वाचन क्षेत्र रहेको मुस्ताङमा नेपाली कांग्रेस, नेकपा एमाले, राप्रपा र राप्रपा प्रजातान्त्रिक पार्टीले उम्मेदवारी दर्ता गराएका हुन्।

प्रतिनिधि सभामा कांग्रेसका रोमी गौचन थकाली र एमालेका प्रेमप्रसाद तुलाचनको उम्मेदवारी दर्ता भएको छ । यस्तै, लोमान्थाङ र दालोमे गाउँपालिका समावेश भएको प्रदेश सभा क्षेत्र नम्बर १ मा एमालेका इन्द्रधारा विष्ट र कांग्रेसका मिङगुर गुरुङले उम्मेदवारी दर्ता गराएका छन्।

प्रदेश सभा क्षेत्र नम्बर २ मा एमालेका महेन्द्र थकाली, कांग्रेसका छिरिङ धावा गुरुङ, राप्रपाका नरबहादुर हीराचन र राप्रपा प्रजातान्त्रिकका प्रवीण शेरचनले उम्मेदवारी दर्ता गरेको मुख्य निर्वाचन अधिकृतको कार्यालयले जनाएको छ।

नौ हजार ४२७ मतदाता रहेको मुस्ताङमा २३ वटा मतदान केन्द्र छन् । रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु