काठमाडौं– अन्तर्राष्ट्रिय क्रिकेट काउन्सिल (आइसिसी) ले नेपाली राष्ट्रिय क्रिकेट टिमका खेलाडीलाई २ वर्षको तलब उपलब्ध गराउने भएको छ।
झन्डै तीन वर्षअघि आइसिसीले नेपाल क्रिकेट संघ (क्यान) लाई निलम्बन गरेपछि आइसिसीले नेपाली क्रिकेट व्यवस्थान हेर्दै आएको छ। त्यसैले राष्ट्रिय क्रिकेटरले नियमित तलब पाउन सकेका थिएनन्।
यसअघि आइसिसीले राष्ट्रिय क्रिकेटरलाई गत वर्ष भने एक वर्षको तलब पाएका उपलब्ध गराइएको थियो।
आइसिसीले राष्ट्रिय खेलाडीका लागि तलब उपलब्ध गराउनका लागि राष्ट्रिय खेलकुद परिषदलाई पत्रचार गरेको छ। परिषदका सदस्यसचिव केवश कुमार विष्टले आइसिसीले तलब दिन इमेल गरेको नेपाल लाइभलाई जनाकारी दिए। उनले खेलाडीको नयाँ वर्गीकरण गरिएको पनि जानकारी दिए। वर्गीकरण अनुसार २१ खेलाडीलाई निकट भविष्यमा तलब उपलब्ध गराउने बताए।
राष्ट्रिय दैनीक अन्नपूर्ण पोस्टले पनि बिहीबार २१ क्रिकेटरलाई नयाँ वर्गीकरण गर्दै तलब दिन लागिएको समाचार प्रकासित गरेको छ। जसअनुसार खेलाडीलाई ३ श्रेणीमा विभाजन गरिएको छ। श्रेणीअनुसार खेलाडीले तलब पाउनेछन्।
कसले कति पाउनेछन् तलब?
ए श्रेणी – मासिक ३५ हजार रुपैयाँ
पारस खड्का, ज्ञानेन्द्र मल्ल, शरद भेषावकर, बसन्त रेग्मी, सोमपाल कामी, सन्दीप लामिछाने, दीपेन्द्रसिंह ऐरी
(२ वर्षको एकमुष्ठ जनही ८ लाख ४० हजार रुपैयाँ पाउने)
बी श्रेणी – मासिक २५ हजार रुपैयाँ
आरिफ शेख, करण केसी, ललित भण्डारी, अनिलकुमार साह, रोहितकुमार पौडेल, ललितनारायण राजवंशी, शक्ति गौचन
(२ वर्षको एकमुष्ठ जनही ६ लाख रुपैयाँ पाउने)
सी श्रेणी – मासिक १५ हजार रुपैयाँ
सुवास खकुरेल, सागर पुन, दिलीप नाथ, सुनील धमला, सुशन भारी, किशोर महतो, विनोद भण्डारी
(२ वर्षको एकमुष्ठ जनही ३ लाख ६० हजार रुपैयाँ पाउने)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775112303.png)
-1764146706.png)
