कम्पनी रजिष्ट्रारको कार्यालयमा इ–पेमेन्ट सेवा सुरु

सूचना-प्रविधि

नेपाल लाइभ मंगलबार, मंसिर २५, २०७५ १४:२३

काठमाडौं– काठमाडौंको त्रिपुरेश्वरस्थित कम्पनी रजिष्ट्रारको कार्यालयमा पनि इ–पेमेन्ट सेवा सञ्चालन गरिएको छ।

कम्पनी रजिष्ट्रारको कार्यालयले आफ्ना सेवाग्राहीलाई सहज ढंगले सेवा उपलब्ध गराउने अभियान अन्तर्गत मंगलबारबाट इ–पेमेन्ट सेवा सञ्चालनमा ल्याएको हो।

सेवाको शुभारम्भ गर्दै उद्योग, वाणिज्य तथा आपूर्तिमन्त्री मातृकाप्रसाद यादवले यो सेवाले सेवाग्राहीलाई मात्रै सहज नबनाई कम्पनी रजिष्ट्रारको कार्यालयको सम्पूर्ण काम कारबाहीलाई पारदर्शी बनाउने विश्वास व्यक्त गरे। उनले कम्पनी रजिष्ट्रारको कार्यालयलाई आफ्नो कार्य सम्पादनमा पनि यसले सहज बनाउने उल्लेख गरे।

त्यस अवसरमा मन्त्री यादवले श्रमको सम्मान गर्ने परिपाटीले मात्रै यस्ता सेवालाई प्रभावकारी ढंगले सञ्चालन गर्न सकिने पनि बताए। कार्यक्रममा बोल्दै कार्यालयका रजिष्ट्रार भुवनहरि अर्यालले सेवाग्राहीलाई सहज बनाउन इ–पेमेन्ट सेवा सञ्चालन गरिएको बताए।

हाललाई इ–पेमेन्ट सेवामार्फत १ लाख रुपैयाँसम्म पेमेन्ट गर्ने व्यवस्था गरिएको छ। चालू आर्थिक वर्ष भित्र सबै आर्थिक कारोबार इपेमेन्टमार्फत गर्ने कम्पनी रजिष्ट्रारको कार्यालयको योजना छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड