काठमाडौं । दक्षिण कोरियाली प्रविधि कम्पनी सामसङले १७ इन्चको फोल्डेबल ट्याब्लेट विकास गर्न थालेको खबर सार्वजनिक भएको छ । फोल्ड गर्दा ८ इन्चको आकारमा सीमित हुने यो उपकरण खुलाउँदा १७ इन्चको डिस्प्लेमा विस्तार हुने बताइएको छ ।
प्रविधिसम्बन्धी वेबसाइट जीएसएम एरिनाका अनुसार यसअघि अगस्टको अन्त्यतिर एक स्रोतले १७ इन्चको फोल्डेबल ट्याब्लेट विकास भइरहेको जानकारी दिएको थियो । त्यतिबेला कम्पनीको नाम सार्वजनिक गरिएको थिएन । पछिल्लो अपडेटमा भने उक्त उपकरण सामसङले विकास गरिरहेको उल्लेख गरिएको छ ।
प्राप्त विवरणअनुसार ट्याब्लेट बन्द अवस्थामा ८ इन्चको हुनेछ भने खोल्दा यसको डिस्प्ले १७ इन्चसम्म विस्तार हुनेछ । यद्यपि, उपकरणको प्राविधिक विशेषताबारे थप जानकारी सार्वजनिक भएको छैन ।
ट्याब्लेटको फोल्डिङ डिजाइन कस्तो हुनेछ भन्ने पनि स्पष्ट भइसकेको छैन । यसमा एउटै १७ इन्चको स्क्रिन फोल्ड हुने वा १७ इन्चको भित्री डिस्प्लेसँगै बाहिर छुट्टै ८ इन्चको स्क्रिन रहने दुई सम्भावना रहेको बताइएको छ ।
सामसङ डिस्प्लेले यसअघि विभिन्न प्रविधि प्रदर्शनीमा ठूला फोल्डेबल स्क्रिनका नमुना प्रस्तुत गरिसकेको छ । तर कम्पनीको मोबाइल डिभिजनले भने अहिलेसम्म यस प्रकारको उपकरण व्यावसायिक रूपमा बजारमा ल्याएको छैन ।
यसअघि सन् २०२३ मा ‘ग्यालेक्सी जेड ट्याब’ नामको फोल्डेबल उपकरण विकास भइरहेको चर्चा चले पनि त्यो व्यावसायिक उत्पादनका रूपमा सार्वजनिक हुन सकेको थिएन ।
फोल्डेबल उपकरणको बजारमा नयाँ उत्पादनको चर्चा बढिरहेका बेला सामसङको यो विकाससम्बन्धी खबर सार्वजनिक भएको हो । यद्यपि, कम्पनीले १७ इन्चको फोल्डेबल ट्याब्लेटको आधिकारिक घोषणा, सार्वजनिक गर्ने मिति वा बजारमा उपलब्ध हुने समयबारे कुनै जानकारी दिएको छैन ।a
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1683120259.jpg)
-1786602170.png)
