ढुक्क भएर नेपालमा लगानी गर्न एनआरएनलाई कृषि मन्त्रीको आग्रह

प्रवास

नेपाल लाइभ आइतबार, मंसिर २३, २०७५ १३:५०

हङकङ– कृषि तथा पशुपक्षी विकास मन्त्री चक्रपाणी खनालले ढुक्क भएर नेपालमा लगानी गर्न गैर आवासीय नेपाली संघ एनआरएनलाई आग्रह गरेका छन्।

एनआरएन एसिया प्रशान्त क्षेत्रको भेलालाई हङकङमा संम्बाेधन गर्दै मन्त्री खनालले नेपालको राजनीति सही दिशामा आएको र स्थिर सरकार भएकाले लगानीमा कन्जुस्याँई नगर्न आग्रह गरे।

केही नीति नियम बाधक भएको भए त्यसलाई सरकारले सहज बनाइदिने भन्दै मन्त्री खनालले क्षेत्र पहिचान गर्न पनि सहयोग गर्ने बताए।

कृषि, पर्यटन र उर्जा क्षेत्रमा लगानी गर्दा उपयुक्त हुने खनालको भनाइ थियो।

अब नेपालको राजनीति अस्थितरतामा जाँदैन भन्ने कुराको उदाहरण तीन तहको चुनावले दिइसहेको उनको भनाइ थियो।

२८ देखि ३० लाख युवा जनशक्ति मलेसिया र खाडी मुलुकमा श्रम गर्न जाँदा नेपालको उर्वर भूमि बाँझो रहेको भन्दै मन्त्री खनालले नेपालमा लगानी गरेर रोजगारीको अवसर सृजना गर्नेतर्फ सरकार लागेको बताए।

त्यसका लागि एनआरएन एउटा सहयोगी संस्था हुन सक्ने उनको भनाइ थियो। जसले गर्दा झण्डै १ सय ४० अर्बको हाराहारिमा वस्तु आयात भएर चुँलिदै गएको नेपालको व्यापार घाटा कम गर्न सकिने उनले बताए।

मन्त्री खनालले इतिहासले समृद्ध नेपाल निर्माण गर्ने महत्वपूर्ण जिम्मेवारी अहिलेको सरकार र राजनीतिक नेतृत्वलाई दिएको टिप्पणी गरे। ‘अव चुनावी नारा बाँडेर भोट माग्ने दिन सकिए,' मन्त्री खनालले भने, ‘सरकार दिर्घकालीन एजेण्डा बोकेर हिँडेको छ, छिट्टै गन्तब्यमा पुग्छ, तपाईहरु पनि सहयोगी बन्नुस्।’

कार्यक्रममा एनआरएनका अध्यक्ष भवन भट्टले आफूहरु नेपाल सरकारसँग हातेमालो गरेर अघि बढ्न र क्षेत्र पहिचान गरी लगानी बढाउन तयार रहेको बताए।

कार्यक्रममा सहभागी हुन शनिबार हङकङ पुगेका मन्त्री खनाल मंगलबार स्वदेश फर्कने छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

करिब ४० प्रतिशत किशोरीले ‘एचपिभी’ खोप लगाए

पूर्वमन्त्री मीन विश्वकर्माविरूद्ध हर्क साम्पाङको अख्तियारमा उजुरी

‘बैंकिङ क्षेत्र सुरक्षित छ’