काठमाडौं– चालू आर्थिक वर्ष २०७५/०७६ को चार महिनामा व्यापार घाटा ३६ दशमलब १ प्रतिशतले बढेको छ। व्यापार तथा निकासी प्रवर्द्धन केन्द्रले अाज एक पत्रकार सम्मेलनमार्फत चालू अार्थिक वर्षकाे पहिलाे चाैमासिककाे वैदेशिक व्यापार वस्तुस्थितिकाे जानकारी दिँदै व्यापार घाटा बढेकाे जनाएकाे हाे।
_x000D_
_x000D_
कार्तिक मसान्तसम्ममा मुलुकले ५ खर्ब १३ अर्ब रुपैयाँ बराबरको वैदेशिक व्यापार गरेको छ।
_x000D_
_x000D_
त्यस्तै, आयातित व्यापार ९४ दशमलब ३ प्रतिशत भएको छ। जब कि यो चार महिनामा निर्यात भने ५ दशमलब ७ प्रतिशत मात्र रहेको छ।
_x000D_
_x000D_
यद्यपि निकासी १० दशमलब ७ प्रतिशतले बढेर २९ अर्ब २८ करोड रुपैयाँ पुगेको छ। यो वृद्धिलाई सकारात्मक रुपमा लिनु पर्ने व्यापार तथा निकासी प्रवर्द्धन केन्द्रका नायव कार्यकारी निर्देशक सुयोस खनाल बताउँछन्।
_x000D_
_x000D_
चार महिनामा आयात ३८ दशमलब १ प्रतिशतले बढेर ४ खर्ब ८३ अर्ब ७५ करोड रुपैयाँ पुगेको छ। कात्तिक मसान्तसम्म आयात–निर्यातको अनुपात १ः१६.५ रहेको छ। अघिल्लो वर्षको यही अवधिमा आयात–निर्यातको अनुपात १ः१३.२ रहेको थियो।
_x000D_
_x000D_
नेपालबाट सर्वाधिक निर्यात हुने वस्तुमा पोलिस्टर तथा धागो (यार्न), ऊनी गलैंचा, तयारी पोसाक, पस्मिना, फलाम तथा स्टिल र तिनका उत्पादनहरु, चिया, अँलैची, चाउचाउ, जडिबुटी तथा हस्तकलाका सामानहरु रहेका छन्।
_x000D_
_x000D_
चार महिनामा २ अर्ब ९३ करोड रुपैयाँ बराबरको यार्न निर्यात भएको छ। यो अघिल्लो वर्षको तुलनामा १९ प्रतिशतले बढी हो। भने यार्नले कुल निर्यातमा १० प्रतिशतको योग्दान दिएको छ। त्यस्तै २ अर्ब ७६ करोड रुपैयाँको ऊनीको गलैंचा निर्यात भएको छ।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
