काठमाडौं– प्रमुख निर्वाचन आयुक्त अयोधीप्रसाद यादवले निर्धारित मितिमा चुनाव हुनेमा शंका नगर्न आग्रह गरेका छन्।
सर्वोच्च अदालतको आदेशपछि निर्वाचन आयोगले गरेको पत्रकार सम्मेलनमा प्रमुख आयुक्त यादवले सर्वोच्चको आदेशले निर्वाचन गर्न झन् सहज वातावरण सिर्जना गरेको बताए । उनले निर्वाचनप्रति अनावश्यक आशंका नगर्न राजनीतिक दल र मतदातालाई आग्रह गरेका छन्।
राजपाका नेता सर्वेन्दनाथ शुक्लाले गत २२ गते दर्ता गरेको रिटमा सुनुवाई गर्दै बुधबार सर्वोच्चले प्रत्यक्ष र समानुपातिक निर्वाचनमा अलग–अलग मतपत्र बनाउनुपर्ने माग गरिएको निवेदनमा अन्तरिम आदेश जारी गर्न अस्वीकार गरेको हो।
सर्वोच्चको आदेशको प्रमाणित प्रति आयोगले प्राप्त नगरे पनि सञ्चारमाध्यममा आएका कुरा सुन्दा निर्वाचनलाई सहयोग पुग्ने आदेश जारी भएको प्रमुख यादवले टिप्पणी गरे ।
प्रमुख निर्वाचन आयुक्त यादवले भने, ‘आधिकारिक रुपमा आइसकेपछि निर्वाचन आयोगले आवश्यक निर्णय गर्नेछ।’
गृहमन्त्रीकै हैसियतमा रहँदा माओवादी मन्त्री जनार्दन शर्माले निर्वाचन आयोगबाटै निर्वाचन सार्ने सूचना प्राप्त भएकोप्रति प्रमुख आयुक्त यादवले त्यसबारे आयोगलाई जानकारी नभएको टिप्पणी गरे।
‘आयोगभित्र अहिलेसम्म निर्वाचनको मिति सार्नेबारे कुनै विचार, छलफल भएको छैन । यहाँबाट कसैले सूचना दिएको छैन’, प्रमुख आयुक्त यादवले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1793957147.jpg)
-1786602170.png)
