डडेल्धुरा- बिहीबार डडेल्धुरामा भएको बस दुर्घटनाका घाइतेको अवस्थाबारे सुदूरपश्चिम प्रदेशका मुख्यमन्त्री त्रिलोचन भट्टले जानकारी लिएका छन्।
_x000D_
_x000D_
धनगढीको सेती अञ्चल अस्पतालमा उपचार गराइरहेको ११ घाइतेलाई भेटी मुख्यमन्त्री भट्टले जानकारी लिएका हुन्।
_x000D_
_x000D_
डोटी जाँदै गरेको स्कुल बस बिहीबार दुर्घटना हुँदा १८ जनाको मृत्यु भएको थियो। तीमध्ये ७ जनाको सनाखत भएको छ।
_x000D_
_x000D_
सनाखत हुनेमा दिपायल सिलगढी नगरपालिका–ं ४ बस्ने ३५ वर्षीया शशि विक, सोही नगरपालिका वडा नं ११ बस्ने २५ वर्षीया गोदा भाट, सोही नगरपालिका ८ बस्ने ४० वर्षीय कैलाश रावल, सोही ठाउँका ४० वर्षीय योगेन्द्र रावल, डडेल्धुराको नवदुर्गा गाँउपालिका–३ का २२ वर्षीय चक्र धामी, डोटी शिखर नगरपालिका–१० बस्ने १६ वर्षीय प्रेम बलायरका छोरा रोहित बलायर र ठेगाना नखुलेकी माया रावलको जिल्ला ट्राफिक प्रहरी कार्यालय डडेल्धुराका इन्चार्ज गणेशसिंह नागरीले जानकारी दिए।
_x000D_
_x000D_
बिहीबार बेलुकी डा केआई सिंह राजमार्गअन्तर्गत डडेल्धुराको अमरगढी नगरपालिका–११ रडुवा खोलामा से १ क २९३ नम्बरको बस दुर्घटनामा परेको हो।
_x000D_
_x000D_
अमरगढी नगरपालिका–८ स्थित उग्रताराको मन्दिरमा लागेको मेला भर्न आएका व्यक्ति सवार स्कुल बस दुर्घटनामा परेको हो। बसमा ४३ जना यात्रु सवार रहेको बुझिएको छ। बस सडकबाट करिब २०० मिटर तल खोलामा खसेको थियो।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
