रसुवा- निर्माणाधीन २२० केभी चिलिमे–त्रिशूली प्रशारण लाइनको शिल्यान्यास गरिएको छ। ऊर्जा, जलस्रोत तथा सिँचाइमन्त्री वर्षमान पुनले बुधबार नुवाकोटको किस्पाङ गाउँपालिका ५ पैरेबेँसी पुगेर २२० केभी त्रिशुली थ्री बी हबको शिल्यान्यास गरे।
_x000D_
_x000D_
शिल्यानास गर्दै मन्त्री पुनले तोकिएको समयमा निर्माण पूरा गर्न निर्देशन दिए।
_x000D_
_x000D_
विद्युतीय आयोजना प्रणालीमा प्रसारण लाइनको भूमिका मुख्य अङ्ग भएकाले तोकिएको समयमा कार्य सम्पन्न गरी लोडसेडिङ अन्त्यको लक्ष्य पूरा गर्न सम्बद्ध सरोकार राख्ने सबैबाट सहयोग आवश्यक रहेकोमा उनले जोड दिए। 'विद्युतीय सम्भावनाको खोजी गर्दै त्यसमा लगानी भित्र्याउन नेपाल सरकारले प्रयास गर्दै आइरहेकाले रसुवा र नुवाकोट हुदै अन्तरदेशीय ४ सय केभी प्रसारण लाइनसमेत निर्माण गर्न अध्ययन भइरहेको छ,' उनले भने।
_x000D_
_x000D_
रसुवा र नुवाकोटमा पर्ने त्रिशूली र तादी करिडोरमा उत्पादन हुने विद्युत केन्द्रीय प्रसारण लाइनमा जडानको लागी लैजान पैरेबेँसीमा शिल्यान्यास गरिएसँगै निर्माणाधीन २२० केभी चिलिमे–त्रिशूली प्रसारण प्रणाली आयोजनाको निर्माण कार्य थालिएको छ।
_x000D_
_x000D_
चिलिमे–त्रिशूली प्रसारण प्रणाली आयोजनामार्फत अघि बढाइएका तीन योजनालाई विद्युत प्राधिकरणसहित दातृ निकायको अनुदान तथा सहुलियत ऋण गरी ६५ दशमलव २५ मिलियन युरो अर्थात् ८ अर्ब ४८ लाख रुपैयाँ लगानी लाग्ने प्रारम्भिक अनुमान गरिएको छ।
_x000D_
_x000D_
आयोजनाले रसुवाको थाम्बुचेतमा चिलिमे हब, त्याहाँबाट त्रिशूली थ्री ‘बी’ हबसम्म २७ किलोमिटर २२० केभी डबल सर्किट प्रसारण लाइन र त्रिशूली थ्री ‘बी’ हब सब स्टेसन निर्माणको जिम्मेवारी पाएको छ। प्राधिकरणले त्रिशूली–काठमाडौं २२० डबल सर्किट प्रसारण लाइन निर्माणको काम माथिल्लो त्रिशूली थ्री ‘ए’ आयोजना मार्फत अन्तिम चरणमा पुर्याएको जनाएको छ।
_x000D_
_x000D_
शिलान्यास गरी निर्माण थालिएको सबस्टेसन सहितको हबमार्फत अहिले नुवाकोट र रसुवामा उत्पादन भइरहेका ६ सय मेगावाटसहित आगामी दिनमा निर्माणको लागि सर्वे गरिएका थप ३ सय समेत गरी ९ सय मेगावाट विद्युत केन्द्रीय प्रसारण लाइनमा जडान गर्न सहज बन्ने बताइएको छ।
_x000D_
_x000D_
निर्माण गरिने प्रसारण लाइनमा ६० मेगावाटको माथिल्लो त्रिशूली थ्री ए, ३७ मेगावाटको त्रिशूली थ्री बी, २ सय १६ मेगावाटको माथिल्लो त्रिशूली १ को विद्युत जोडिनेछ।
_x000D_
_x000D_
यस्तै, रसुवामा निर्माण भइरहेको १ सय ११ मेगावाटको रसुवागढी, १४.८ मेगावाटको माथिल्लो सान्जेन, ४२.५ मेगावाटको सान्जेन लगायत दर्जनौं आयोजनाको विद्युत पनि यही हबमा मिसिनेछ। चिलिमे–त्रिशूली थ्री बी हब र समुद्रटार–त्रिशूली थ्री बी हब प्रसारण लाइनबाट आएको बिजुली यही सबस्टेसनमा मिसिन्छ। यहाँबाट करिब ४० किलोमिटर लामो २२० केभी दोहोरो सर्किट त्रिशूली थ्री बी हब–मातातीर्थ प्रसारण लाइनबाट विद्युत काठमाडौं जोडिने बताइएको छ।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1709961276.jpg)
-1786602170.png)
