काठमाडौं– प्रहरी प्रधान कार्यालयले ७७ वटै जिल्ला प्रहरी कार्यालय अगाडि ‘एलइडी’ टिभी जडान गर्ने भएको छ। ‘समुदाय प्रहरी साझेदारी’ कार्यक्रम अन्तर्गत प्रहरीसँग सम्बन्धीत गतिविधि नागरिकसम्म पुर्याउने उद्देश्यले सबै जिल्ला प्रहरी कार्यालय अगाडि टिभी राख्न लागिएको हो।
_x000D_
_x000D_
प्रहरी प्रधान कार्यालयले टिभी जडानका लागि प्रदेश प्रहरी कार्यालयलाई निर्देशनसहितको पत्र पठाइसकेको प्रहरीका केन्द्रीय प्रवक्ता एसएसपी उत्तम सुवेदीले जानकारी दिए।
_x000D_
_x000D_
यसरी जडान गरिने टिभी प्रहरी कार्यालय अगाडि आम नागरिकको चहलपहल हुने ठाउँमा सबैले देखिने गरी जडान गरिनु पर्ने हुन्छ। त्यसरी जडान गरिएका टिभीमार्फत प्रहरीसँग सम्बन्धित गतिविधि प्रसारण गरिने प्रहरी प्रधान कार्यालयले जनाएको छ।
_x000D_
_x000D_
जनचेतना मुलक कार्यक्रम, पिएसए, जिंगल, सडक दुर्घटना सम्बन्धी जानकारी, प्रहरी कार्यालयमा उपलब्ध हुने सेवा, महत्वपूर्ण टेलिफोन नम्बरहरु, प्रहरी र नागरिकसँग भएका साझेदारीका कामकारबाही प्रसारण गरिने प्रवक्ता सुवेदीले जानकारी दिए।
_x000D_
_x000D_
७ सय ५३ स्थानीय तहसँगै ‘समुदाय प्रहरी साझेदारी कार्यक्रम’ लागू गरिने भएको छ। त्यसका लागि अहिलेसम्म ६ सय ५० स्थानीय तहसँग सम्झौता भइसकेको छ। अन्य स्थानीय तहमा सम्झौता हुने प्रक्रियामा रहेको प्रहरीले जनाएको छ। हिमाली क्षेत्रमा जाडोका कारण मानिसहरु तराई झरेकाले हिमाली क्षेत्रमा भने साझेदारी कार्यक्रमको सम्झौता गर्न गाह्रो भएको प्रहरी प्रवक्ता सुवेदीले जानकारी दिए।
_x000D_
_x000D_
स्थानीय तहसँग सम्झौता भएपछि वडा, गाउँटोली र विद्यालयसँग साझेदारी कार्यक्रमको सम्झौता गरी लागू गरिने प्रहरी प्रधान कार्यालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773902187.png)
-1764146706.png)
-1773837959.png)
