काठमाडौं- फिल्मका दृश्यहरू जति नाटकीय लाग्छन् कहिलेकाँही फिल्मी वृत्तमा नाटकीय लाग्ने दृश्यहरू वास्तविक बनेर आउँछन्। त्यस्तै नाटकीय र वास्तविक दृश्य फिल्म 'रूद्रप्रिया'को प्रिमियरमा सोमबार देखियो।
एकअर्कासँग छुट्टिएपछि केही समय अभिनेत्री रेखा र निर्माता छविराज ओझाको सम्बन्ध सौहार्दपूर्ण थिएन। पछिल्लो समय उनीहरूले त्यो तिक्ततालाई भुलाउन खोजेको देखिन्छ।
रेखाको 'रूद्रप्रिया' प्रिमियरमा निर्माता ओझा पत्नी एवं अभिनेत्री शिल्पा पोखरेलसँग पुगे। कार्यक्रममा उनीहरूको उपस्थितिले प्रिमियरको माहोललाई एकछिन् तरंगित बनाइदियो।
सो दृश्यले कार्यक्रमस्थलमा हुटिङ र तालीसमेत पायो। कार्यक्रममा पुगेगी अभिनेत्री पोखरेलले थापासँग फोटो खिचाइन्। फोटो खिच्नुअघि शिल्पाले रेखालाई अँगालो हाल्दै फिल्मका लागि शुभकामना पनि दिइन्।
तर, रेखा र शिल्पासँगै छवि भने एउटै फ्रेममा पर्नबाट तर्किए। स्टेजसम्म पुगेका छवि रेखासँग फोटो नखिचाई अन्य फिल्मकर्मीसँग भलाकुसारीमा लागेका थिए।
प्रिमियरपछि छविले रेखाले आजसम्मका फिल्ममध्ये उत्कृष्ट काम गरेको प्रतिक्रिया दिएका थिए।
त्यस्तै, शिल्पाले रेखा नेपाली फिल्म उद्योगकी १ नम्बर नायिका भएको बताएकी थिइन् भने फिल्म सोचेभन्दा राम्रो बनेको प्रतिक्रिया समेत दिन भ्याइन्।
यस्तै, अभिनेत्री रेखाले यसअघि दशैंमा छवि निर्मित एवं शिल्पा अभिनित 'मंगलम' रिलिज हुने घोषणा भएपछि फिल्मको गीत आफ्नो फेसबुकबाट सेयर गर्दै छविलाई फिल्म सफलताको शुभकामना दिएकी थिइन्। जवाफमा छविले रेखालाई धन्यवाद दिएका थिए।
प्रिमियरमा छविका कान्छा छोरा साकार ओझा पनि सहभागी थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791107799.jpeg)
-1786602170.png)
