काठमाडौं– विगत सात वर्षदेखि साउदी अरबमा कार्यरत झापाका सुमन भारतीले दसैं, तिहार परिवारसँग मनाउन नपाएको पनि ठिक सात वर्ष नै भयो। रोजगारीका लागि साउदी अरब गएयता दसैं, तिहारको समयमा कम्पनीले छुट्टी नदिँदा परिवारसँग बसेर चाडपर्व मनाउन नपाएको गुनासो गरे।
_x000D__x000D_
‘अरु बेला त फोनमार्फत परिवारसँग गफ हुन्छ। धेरै भएछ दसैं, तिहार रमाइलो गरी परिवारसँग बसेर मनाउन नपाएको, त्यही भएर खासै याद आउँदैन।’, भारतीले सामाजिक सञ्जालमा लेखेको स्टाटसमा भनिएको छ, ‘तर, हिन्दुहरुको महान चाडपर्व दसैं, तिहारसँग त सम्बन्ध नै टुटे जस्तो लाग्छ।’
_x000D__x000D_
पछिल्लो एक दशक विदेशिक रोजगारीमै बिताएकोले होला अहिले त ठूला पर्व आए/गएको मतलब नहुने गरेको भारतीको भनाइ छ। वैदेशिक रोजगारीका कारण ठूला चाडपर्व र आफ्नो संस्कृतिसँगै सम्बन्ध टुटेजस्तो भएको उनको बुझाइ छ।
_x000D__x000D_
मलेसिया रोजगारीका लागि ४ वर्षअघि पुगेका ताप्लेजुङका पदम पुरीलाई पनि यस्तै लाग्छ। ‘आजकल त दसैंतिहारको उत्ती वास्ता नै लाग्दैन’, उनी भन्छन्, ‘नेपालमा भएका परिवारसँग कुराकानी हुन्छ। कसरी दसैं, तिहार मनाइयो भनेर सोधिन्छ। त्यसपछि परिवारले चाडपर्व मनाएको तस्बिर सामाजिक सञ्जालमार्फत हेर्न पाइहालिन्छ।’
_x000D__x000D_
उनले पहिलेको जस्तो चाडपर्वको सम्झना नहुने गरेको जिकिर गरे। ‘पहिले दसैं, तिहारको खुबै याद आउथ्यो। तर, अहिले त खासै वास्ता लाग्दैन।’ अर्काको देशमा काम गर्न आएपछि दसैं, तिहारजस्ता पर्वको महत्व हराउँदै गएको उनको भनाइ छ।
_x000D__x000D_
५ वर्षअघि विद्यार्थी भिसामा जापान गएका रामेछापका सञ्जय कार्कीले परिवारसँग बसेर दसैं, तिहार मनाउन नपाएको गुनासो गरे। ‘धेरै वर्षसम्म दसैं, तिहार परिवारसँगै बसेर मनाउन नपाएपछि त्यसको महत्व हराउँदै जाँदो रहेछ’, उनले भने, ‘विदेशिएपछि त परिवार र पर्व सबै टाढिँदै जाने रहेछन्।’
_x000D__x000D_
यता, युएईमा ८ वर्षदेखि कार्यरत इलामका रामजित लिम्बुले विदेशमा नेपाली चाडपर्वभन्दा कामको बढी महत्व हुने बताए। भने, ‘समय रह्यो र साथीभाइ जम्मा हुने मौका मिल्यो भने रमाइलो हुन्छ। नत्र चाडबाडको चाहेर पनि वास्ता हुँदैन।’
_x000D__x000D_
तर, विदेश गएका धेरै नेपाली भने दसैं, तिहारजस्ता चाडपर्वमा बिदा मिलाएर नेपाल आउने गर्छन्। नेपाली चाडपर्वले विदेशीहरुका लागि महत्व नराख्ने हुँदा नेपालीहरुलाई बिदा मिलाउन भने गाह्रो हुनेगर्छ। कतिपय देशमा भने नेपाली समुदाय मिलेर उचित समयमा यस्ता चाडपर्व मनाउने गरेको पनि पाइन्छ।
_x000D__x000D_
परिवारसँग जोडिने सहज सेतु सामाजिक सञ्जाल
_x000D_पछिल्लो समय सामाजिक सञ्जालको पहुँचले पनि चाडपर्वमा घर आउन नपाएकाहरुलाई केही सहज भने अवश्य बनाएको छ। एक क्लिकको भरमा परिवार तथा आफन्तसँग प्रत्यक्ष कुराकानी तथा फोटोभिडियो हेर्न पाइने भएकोले पनि धेरैलाई परिवारसँग जोडिन सहज छ। सामाजिक सञ्जालको बढ्दो प्रयोगले चाडपर्वको महत्व पनि बढ्दै गएको बताउँछन् ताप्लेजुङका पुरी।
_x000D__x000D_
चाडपर्व मनाएको तस्बिर र भिडियो सामाजिक सञ्जालमार्फत आदानप्रदान हुँदा दुवैतर्फ खुसीयाली थपिने उनले बताए। विदेशमा रहेका अधिकांश नेपालीहरुले सामाजिक सञ्जालमार्फत नेपालमा आफन्त तथा परिवारले चाडपर्व मनाएको तस्बिर हेरेर सन्तुष्टि लिने गरेको पाइन्छ।
_x000D__x000D_
हाल, वैदेशिक रोजगारीमा करिब ३३ लाख नेपाली कार्यरत छन्। जसमध्ये दसैं, तिहार मनाउन १ लाखभन्दा धेरै स्वदेश फर्किने गरेको अनुमान छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1738927672.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
