नयाँ दिल्ली– भारतका भजन सम्राट विनोद अग्रवालको मंगलबार बिहान मथुरामा निधन भएको छ।
_x000D_
_x000D_
छातीमा खराबी देखिएपछि उनी आइतबार एक निजी अस्पताल ‘नयति मेडिसिटी’मा भर्ना भएका थिए। अग्रवालको शरीरका केही अंगले काम गर्न छाडेका थिए।
_x000D_
_x000D_
उनी मथुरा को पुष्पाञ्जली बैकुण्ठ अपार्टमेन्टमा बस्दथे। सन् १९५५ जुन ६ मा अग्रवालको जन्म भएको थियो। उनका माता पिता भगवान श्रीकृष्णको भक्त थिए।
_x000D_
_x000D_
परिवारमा भक्तिमय माहोल भएको हुनाले उनले सानै उमेरमा हार्मोनियम बजाउन सिके। उनका भजन देशमा मात्र नभएर विश्वमै लोकप्रिय छ।
_x000D_
_x000D_
उनले अमेरिका, इंग्ल्याण्ड, फ्रान्स,दुवईसहित यूरोपका केही सहरमा सयौं पटक भजनकाे लाइभ शो गरेका थिए।
_x000D_
_x000D_
भजन सम्राटको नामले लोकप्रिय अग्रवालका दुई सन्तान छन्। उनीहरूको बिहे भइसकेको छ। उनका छोराका मुम्बईमा कपडाको व्यवयाय छ।
_x000D_
_x000D_
अग्रवालले अहिलेसम्म देश विदेश गरी ३ हजार भन्दा धेरै कार्यक्रम प्रस्तुत गरिसकेका छन्। उनको राधाकृष्णको भजन निकै अत्यन्तै लोकप्रिय छ।
_x000D_
_x000D_
भजन गाउने समय उनको आँखामा आँसुसमेत आउने गर्दथ्यो। उनको भजनको विशेषता यो थियो कि उनले भजनको समयमा उर्दू शायरी पनि पढ्दथे।
_x000D_
_x000D_
‘बरिला इन्स्टिच्युट अफ टेक्नोलोजी’बाट इन्जिनियरिङमा स्नातक हाँसिल गरेका अग्रवालले पिटर्सवर्ग विश्वविद्यालयबाट विज्ञानमा स्नातकोत्तर गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
