इस्तानबुल– आफ्नो देशका पत्रकार जमाल खशोग्गीको हत्याबारे थप अनुसन्धान गर्न साउदी अरबले एउटा टोली टर्कीतर्फ पठाएको छ।
_x000D_
_x000D_
खशोग्गीको हत्या भएको ठाउँ टर्कीको राजधानी इस्तानबुलतर्फ टोलीलाई पठाइएको साउदी अधिकारीहरुले जनाएका छन्।
_x000D_
_x000D_
रसायनशास्त्री र विषविज्ञान विज्ञ पनि रहेको टोलीले हत्याका प्रमाणहरु खोजी गर्ने टर्कीको पत्रिकाले सोमबार लेखेको छ। पत्रकार खशोग्गीको हत्यामा साउदी अरबको राजदरबारकै संलग्नता रहेको आशंका र आरोप लागिरहेका बेला साउदी अरबले अनुसन्धान टोली पठाएको हो।
_x000D_
_x000D_
टर्कीका अधिकारीहरुले पत्रकार खशोग्गीको हत्यासम्वन्धी डरलाग्दो विवरणहरु रहेको जनाएका छन्। इस्तानबुलस्थित महावाणिज्य दूतावासमा गएका बेला ५९ वर्षीय पत्रकार खशोग्गीको हत्या भएको सार्वजनिक भएपनि शव भने अहिलेसम्म भेटिएको छैन।
_x000D_
_x000D_
टर्कीकी महिलासँग बिहेका लागि आवश्यक कागजातहरू लिन खशोग्गी गत अक्टोबर २ मा वाणिज्य दूतावास गएका बेला हत्या भएको थियो। टर्कीको सरकार पक्षीय सवाह दैनिकले गत अक्टोबर ११ तारिखका दिन नै साउदी अरबले ११ सदस्यीय टोली टर्की पठाएको समाचार लेखेको छ।
_x000D_
_x000D_
स्वघोषित अनुसन्धान टोलीमा रसायन शास्त्री अहमद अब्दुल्लाजिज अल्जानोबी र विषज्ञान शास्त्री खालेद याह्या अल जाहरानी रहेको पत्रिकाले जनाएको छ। टर्कीका राष्ट्रपति रेसेप तैयप एर्दोगानले भने साउदी अरबकै उच्च तहको संलग्नतामा खशोग्गीको हत्या भएको आरोप लगाएका थिए।
_x000D_
_x000D_
त्यसैगरी टर्कीका अनुसन्धानकर्ताहरूले पनि निर्वासित जीवन बिताइरहेका पत्रकार खशोग्गीको घाँटी अठ्याएर हत्या भएको दाबी गरेका छन्।
_x000D_
_x000D_
दशकौँसम्म साउदी राजपरिवारको निकट रहेर सरकारको सल्लाहकारका रूपमा पनि काम गरेका पत्रकार खशोग्गीको पछिल्लो समय राजपरिवारसँगको सम्बन्ध बिग्रिएको थियो।
_x000D_
राजपरिवारबाट टाढा भएपछि उनले अमेरिकामा निर्वासित जीवन बिताउँदै वाशिङ्टन पोष्टमा लेख लेख्दै आएका थिए।
_x000D_
_x000D_
मासिक रुपमा स्तम्भ लेख्न थालेपछि उनले साउदी युवराज मोहम्मद बिन सलमानका नीतिहरूको आलोचना गर्दै आएका थिए। त्यही आलोचक भएकैले उनको हत्या भएको कतिपयको आशंका छ। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1687176504.jpg)
