याउन्डे– क्यामरूनको अङ्ग्रेजी भाषी बसोबास गर्ने क्षेत्रबाट ७९ विद्यार्थी अपहरित भएका छन्।
_x000D_
_x000D_
उक्त क्षेत्रलाई क्यामरूनबाट छुट्ट्याउन सङ्घर्ष गर्दै आएको समूहले विद्यार्थीलाई अपहरण गरेको सरकारी अधिकारीले जनाएका छन्। विद्रोही समूहले यसबारे अझै प्रतिक्रिया जनाइसकेको छैन।
_x000D_
_x000D_
विद्यालय सञ्चालन भइरहेको समय विद्रोहीको एक सशस्त्र समूह पे्रस्बिटरियन माध्यमिक विद्यालय, वामेडामा प्रवेस गरी विद्यालयका प्रधान्याध्यापक, एक शिक्षक र बस चालकलाईसमेत विद्यार्थीसँगै लगेको विद्यालय स्रोतले पुष्टि गरेको छ। उक्त क्षेत्र क्यामरूनको उत्तरपश्चिममा पर्छ।
_x000D_
_x000D_
अशान्त रहेको क्यामरूनमा पछिल्लो १३ महिनामा भएको यो सबैभन्दा ठूलो घटना हो। क्यामरूनमा अधिकांश फ्रेन्च भाषी रहेका भएपनि उक्त क्षेत्रमा अङ्ग्रेजी भाषालाई मातृभाषाका रूपमा मानिँदै आएको छ।
_x000D_
_x000D_
क्यामरूनमा विगत ३५ बर्षदेखि राजनीतिक नेतृत्वमा रहेका ८५ वर्षीय राष्ट्रपति पाउल बियाले गत अक्टोबरमा भएको निर्वाचनबाट सातौँ कार्यकालका लागि चुनिएको केही समयमा नै यो घटना भएको हो। यद्यपि निर्वाचन परिणामप्रति विपक्षीले धाँधली भएको बताउँदै असन्तुष्टी जनाउँदै आएका छन्।
_x000D_
_x000D_
निर्वाचनमा बियाले ७१ दशमलब ३ प्रतिशत मत प्राप्त गरी जितेको दाबी गरिए पनि निर्वाचनमा सरकारी अधिकारीहरूले नै हुलदङ्गा मच्चाएर न्युन सङ्ख्यामा मात्रै मतदाता सहभागी भएको विपक्षीको आरोप छ।
_x000D_
_x000D_
क्यामरूनमा दुई करोड २० लाख अङ्ग्रेजी भाषी नागरिक छन् र अल्पसङ्ख्यक उनीहरू आफ्नो भूभागलाई स्वतन्त्र गरिनुपर्ने बताउँदै आएका छन्। विश्व युद्धपूर्व क्यामरून जर्मनीको कोलोनीका रूपमा रहेकोमा विश्वयुद्धपछि बेलायत र जर्मनीको अधिनमा गएको थियो।
_x000D_
_x000D_
सन् २०१६ मा स्वतन्त्रताका लागि आवाज उठाएपनि अङ्ग्रेजी भाषीलाई बियाले राज्यशक्तिको बलमा दबाएका थिए। सन् २०१७ को अक्टोबर १ मा एङ्लोफोन समुदायले देशको उत्तरपश्चिमी तथा दक्षिण पश्चिमी क्षेत्रलाई अम्बाजोनिया गणतन्त्रका रूपमा घोषणा गरेका थिए तर यसलाई कुनै पनि राष्ट्रले मान्यता दिएको छैन।
_x000D_
_x000D_
क्यारूनमा भएका हिंसात्मक आन्दोलनमा परी हालसम्म ४ सय नागरिकको मृत्यु भएको छ भने १ सय ७५ सुरक्षाकर्मीले ज्यान गुमाएका छन्। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766743671.png)
-1766743434.png)
-1766740258.png)
-1764146706.png)
-1766648928.png)
-1763721444.png)
