एजेन्सी -चिनियाँ अधिकारीहरूले टाइफून डल्फिनका कारण देशको आर्थिक राजधानी शाङ्घाईसहित पूर्वी चीनका विभिन्न क्षेत्रबाट १० लाखभन्दा बढी मानिसलाई सुरक्षित स्थानमा सारिएको विविसीले जनाएको छ ।
टाइफूनका कारण भारी वर्षा भएको छ भने यो क्षेत्रको यातायातसमेत प्रभावित भएको छ। सोमवार मात्रै शाङ्घाईमा करिब १ हजार उडानहरू रद्द भए।
अधिकारीहरूले डल्फिनलाई अहिले 'ट्रपिकल स्टर्म'को स्तरमा झारेका छन् तर आँधी उत्तरतर्फ अघि बढिरहेकाले बुधवारसम्म मुसलधारे वर्षा, गम्भीर बाढी र पहिरोको जोखिम रहेको चेतावनी जारी राखिएको छ।
चीनमा यो वर्षको सबैभन्दा शक्तिशाली आँधी डल्फिनबारे चीनका अधिकारीहरूले यसअघि नै उच्च तहको चेतावनी दिएका थिए।
मौसमसम्बन्धी अधिकारीहरूका अनुसार आइतवार साँझ साँढे पाँच बजे जेजिआङ प्रान्तको युहानमा पहिलोपटक जमिनमा प्रवेश गर्दा डल्फिनको अधिकतम गति १५० किलोमिटर प्रतिघण्टा थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786184812.png)
