‘१२ गाउँ’ को नयाँ गीत ‘कसो कसो’ रिलिज, कति सुहायो त समीर-सोनुको रोमान्स?

संगीत

नेपाल लाइभ मंगलबार, असोज ८, २०८१ १४:०१

काठमाडौँ- ‘१२ गाउँ’ सिनेमाको नयाँ गीत सार्वजनिक भएको छ। सोमबार सार्वजनिक गरिएको ‘कसो कसो’ बोलको रोमान्टिक गीतमा सिनेमाका मुख्य अभिनेता समीर भट्ट र अभिनेत्री सोनु चन्द्रपालबीचको रोमान्सलाई प्रस्तुत गरिएको छ।

विराज भट्ट निर्देशित सिनेमाको यस गीतमा नीरज सिंहको संगीत, सुवासचन्द्र ढुंगेलको शब्द तथा सुगम पोखरेल एवं सदीक्षा कट्टेलको युगल गायन रहेको छ। गीतमा रामजी लामिछानेको कोरियोग्राफी छ।

असोज २४ गते (फूलपाती)देखि प्रदर्शन हुने सिनेमामा समीर र सोनुसहित विराज स्वयं पनि मुख्य भूमिकामा छन्। पूर्व मिस नेपाल इन्टरनेसनल न्यान्सी खड्का, मोडल सनिशा भट्टराई, मुरलिधर, दिया मास्के, अर्जुनजंग शाही, कनिज कोइराला, नरेन खड्का, कृष्ण भट्ट, भिष्म जोशी, स्टन्ट सिल्भा (साउथ सिनेमाका कलाकार) लगायतको पनि ‘१२ गाउँ’मा अभिनय रहेको छ।

सिनेमामा महेश पौडेलको छायांकन, अर्जुन पोखरेल र निरज सिंहको संगीत, रामजी लामिछाने र सुनिल क्षेत्रीको कोरियोग्राफी तथा प्रवीन केएल र भुपेन्द्र अधिकारीको सम्पादन रहेको छ भने विराज स्वयंको कथा र सन्तोष सरकारको पटकथा तथा संवाद लेखन छ।

यसमा द्वन्द्व निर्देशन साउथका स्टन्ट सिल्भाले गरेका छन्। उनले साउथका ५० बढी सिनेमामा द्वन्द्व निर्देशन गरिसकेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘सही कथा भएमा काठमाडौं मेरा फिल्मको सुटिङ थलो बन्नेछ’

जर्मनीद्वारा युरोपेली सङ्घलाई ट्रम्पको शुल्क तयारी गर्न आग्रह

एक्सन स्पोर्ट्सको युट्युबमा एनपिएल हेर्न सकिने