काठमाडौं– मलेसियामा विषाक्त मदिरा सेवनबाट थप २ नेपालीको मृत्यु भएको छ।
_x000D_
_x000D_
मृत्यु हुनेमा सर्लाही, शङ्करपुर–५ का शेरबहादुर ठकुरी र ठेगाना नखुलेका सुकुवल घिसिङ रहेको क्वालालम्पुरस्थित नेपाली दूतावासले सोमबार जनाएको छ।
_x000D_
_x000D_
दूतावासका अनुसार घिसिङको स्थानीय सुनगाई बुलोच अस्पताल र ठकुरीको टोन्काउ जफार शेरेम्बान अस्पतालमा उपचारका क्रममा मृत्यु भएको हो। यससँगै मलेसियाको सेलाङ्गोर राज्य र क्वालालम्पुर क्षेत्रमा विषाक्त मदिरा सेवनबाट मृत्यु हुने नेपालीको सङ्ख्या ९ पुगेको छ।
_x000D_
_x000D_
यसअघि विषाक्त मदिरा सेवनबाट धादिङका मीमबहादुर घले, रुपन्देहीका रामकुमार यादव, डडेलधुराका विशाल बुढाथोकी, सुनसरीका सञ्जय उराव, इलामका बलबहादुर कुलुङ्ग, सर्लाहीका आइतसिंह गोले र नवलपरासीका दुर्गासिंह रानाको मृत्यु भएको दूतावासले जनाएको छ।
_x000D_
_x000D_
विषाक्त मदिरा सेवनबाट १७ नेपाली गम्भीर बिरामी परेका थिए। उनीहरुमध्ये ७ नेपाली विभिन्न अस्पतालमा उपचारपश्चात् कम्पनीमा फर्किसकेका छन्। अन्य १० जना बिरामीमध्ये ३ को अवस्था गम्भीर रहेको दूतावासले जनाएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
