मुम्बई– बलिउडमा आफ्नो नृत्य शैली र कमेडी अभिनयले दर्शकको मनमा विशेष छाप छोड्ने गोविन्दा ६० वर्षका भए।
२१ डिसेम्बर १९६३ मा जन्मेका गोविन्दा फिल्मी परिवारका थिए। उनका बुबा अरुण आहुजा एक अभिनेता थिए भने आमा निर्मला देवीले ४०को दशकमा अभिनेता-अभिनेत्रीको रूपमा फिल्महरूमा काम गरेकी थिइन्। बाल्यकालदेखि नै गोविन्दाले पनि अभिनेता बन्ने सपना देखेका थिए। गोविन्दाले सन् १९८६ मा रिलिज भएको फिल्म ‘इल्जाम’बाट आफ्नो फिल्मी करिअर सुरु गरे।
यस फिल्ममा उनले गरेको ‘स्ट्रीट डान्सर’ गीत निकै चर्चित भएको थियो, यो फिल्मको सफलतापछि गोविन्दाको छवि डान्सिङ स्टारको बनेको थियो। फिल्म निर्माताहरूले पनि यही छविलाई आफ्नो फिल्ममा प्रयोग गरे।
‘इल्जाम’मा निलमसँग गोविन्दाको जोडीलाई धेरै मन पराइएको थियो। यो फिल्मपछि निलम र गोविन्दाले धेरै फिल्ममा सँगै काम गरेका थिए। यस फिल्ममा लभ ८६, खुदगर्ज,हत्या, सिन्दूर, फर्ज की जंग, तक्तावर र दो कैदी रहेका छन्।
गोविन्दाको फिल्मी यात्रामा डेभिड धवनसँग उनको जोडीलाई निकै मन पराइएको थियो। सन् १९८९ मा गोविन्दाले निर्देशक डेभिड धवनसँग पहिलो पटक ‘तक्तावर’मा काम गरेका थिए । यो फिल्मले टिकट विन्डोमा औसत सफलता पायो तर यो फिल्मपछि डेभिड धवन र गोविन्दाको जोडी बने। र दुवैले धेरै फिल्ममा सँगै काम गरे।
सन् १९९३ मा रिलिज भएको फिल्म ‘आँखे’लाई गोविन्दाको सिने करिअरको सबैभन्दा सफल फिल्म मानिन्छ। यो फिल्ममा गोविन्दाले फेरि एकपटक आफ्नो मनपर्ने निर्देशक डेभिड धवनसँग काम गरेका थिए। कमेडीले भरिएको यो फिल्ममा गोविन्दाले दोहोरो भूमिका खेलेर दर्शकलाई रोमाञ्चित बनाए। यो फिल्मलाई भारतीय सिनेमाको इतिहासमा ब्लक बस्टर फिल्महरूमा गनिन्छ। आँखेको ब्लकबस्टर सफलतापछि गोविन्दा–डेभिडको जोडीले एकपछि अर्को फिल्म बनाएर दर्शकलाई मनोरञ्जन दियो।
यी फिल्ममा कुली नम्बर वन, हिरो नम्बर वन, साजन चले ससुराल, बडे मियाँ छोटे मियाँ, राजा बाबु, दीवाना मस्ताना, दुल्हे राजा, हसिना मान जायेगी, जोडी नम्बर वन र पार्टनर लगायतका फिल्म रहेका छन्। सन् २००० को दशकमा गोविन्दाका फिल्मले अपेक्षित सफलता पाउन सकेनन्। सन् २००० मा रिलिज भएको फिल्म शिकारीमा गोविन्दाले आफ्नो सिने करिअरको पहिलो नकारात्मक चरित्र निभाएका थिए। जसका लागि उनलाई उत्कृष्ट खलनायकको फिल्मफेयर अवार्ड पनि दिइएको थियो।
गोविन्दाको सिने करिअरमा अभिनेत्री करिश्मा कपूरसँग उनको जोडी निकै रुचाइएको थियो। उनीहरुको जोडी पहिलो पटक सन् १९९३ मा
रिलिज भएको फिल्म ‘मुकाबला’ मा सँगै देखिएको थियो। पछि, फिल्म निर्माताहरूले उनीहरूको जोडीलाई फिल्ममा प्रयोग गरे। यी फिल्ममा राजा बाबु, दुलारा, खुददार, कुली नम्बर वन, साजन चले ससुराल, हिरो नम्बर वन, हसिना मान जायगी, शिकारी लगायत पर्छन्।
करिश्मा कपूर बाहेक, गोविन्दाको जोडी किमी काटकर, रविना टण्डन र शिल्पा शेट्टीसँग पनि धेरै रुचाइएको थियो। फिल्महरूमा धेरै भूमिका खेलेपछि, गोविन्दा समाज सेवाको लागि राजनीतिमा प्रवेश गरे। र २००२मा कांग्रेस पार्टीको टिकटमा चुनाव लडेर लोकसभा सदस्य बने।
सन् २००७ मा रिलिज भएको फिल्म ‘पार्टनर’को सफलतापछि गोविन्दाले फेरि आफ्नो छाप छोड्न सफल भए। तीन दशक लामो आफ्नो करिअरमा गोविन्दाले करिब १ सय३० फिल्ममा काम गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821304.jpg)
-1786602170.png)
-1786513116.png)
-1788425345.png)
