विश्व

बंगालको खाडीमा विकसित मिचाउङ आँधीले भारतमा ५ जनाको मृत्यु

नेपाल लाइभ मंगलबार, मंसिर १९, २०८० १२:३०

नयाँ दिल्ली– बंगालको खाडीको मध्य-पश्चिम क्षेत्र आसपास विकसित मिचाउङ नामक शक्तिशाली सामुद्रिक आँधीका कारण भारतमा ५ जनाको मृत्यु भएको छ। सामुद्रिक आँधीले भारतीय राज्य आन्ध्र प्रदेशको नेल्लोर र मछलीपट्टनमको बीचको क्षेत्र धेरै प्रभावित भएको छ।

समुद्री आँधीका कारण तमिलनाडुको चेन्नइमा ठूलो पानी परेको छ। वर्षाका कारण हालसम्म ५ जनाले ज्यान गुमाएका भारतीय सञ्चारमाध्यमहरुले जनाएका छन्।

प्रहरीले ज्यान गुमाउने ५ जनामध्ये २ जनाको मृत्यु बिजुलीको झट्का लागेका कारण भएको बताएको छ। १ जनाको रुखमा च्यापिएर मृत्यु भएको बताइएको छ।

तुफानी आँधीलाई मध्यनजर गर्दै सरकारले चेन्नइ, तिरुबल्लुर, काँचीपुरम र चेगलपट्टुमा सार्वजनिक बिदा दिने निर्णय गरेको छ। आँधी प्रभावित क्षेत्रका सबै ठूला तथा साना टनेल (सुरुङमार्ग)हरु बन्द गरिएको छ। किनकि सबैजसो सुरुङमार्गमा पानी भरिएको छ।

भारतको मौसम विभागले तिरुबल्लुर, काँचीपुरम, चेन्नइ र चेगलपट्टु जिल्लामा ६० देखि ७० किलोमिटर प्रतिघण्टाको रफ्तारमा हावा चल्न सक्ने बताएको छ। हावाको गति बढेर ८० किलोमिटर प्रतिघण्टासम्म पुग्ने विभागको चेतावनी छ।

मिचाउङ तुफानका कारण भएको भारी वर्षाका कारण चेन्नइसहित केही जिल्लाको सडकमा पानी भरिएको छ। चेन्नइका मुख्य शहरीसँगै ग्रामिण क्षेत्रका धेरै ठाउँमा रुखहरु ढलेका छन्।

वर्षाका कारण चेन्नईको घरेलु र अन्तर्राष्ट्रिय विमानस्थल पनि पानीले भरिएको छ। जसकारण उडानहरु रद्द भएका छन्।

यो पनि पढ्नुहोस

बंगालको खाडीमा विकसित मिचाउङ आँधीको प्रभाव: ३ प्रदेशमा वर्षा हुने

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जलवायु परिवर्तनको असरबारे बोल्दै प्रधानमन्त्री ओलीले भने- हामीले नबिराएको काममा सजाय भोग्नुपरेको छ

कांग्रेसको १०० दिने विशेष अभियान : काम सक्न बाँकी जिल्लालाई समय थप

विपक्षी खेलाडीलाई जानाजान धक्का दिएको भन्दै कोहलीलाई आइसीसीको कारबाही