नेपालको अर्थतन्त्र अनिश्चिताको भुमरिमा छ : गभर्नर अधिकारी

अर्थ समाचार

नेपाल लाइभ शनिबार, कात्तिक १८, २०८० १६:०३

काठमाडौं– नेपाल राष्ट्र बैंकका गर्भनर महाप्रसाद अधिकारीले नेपालको अर्थतन्त्र अनिश्चिताको भुमरिमा परेको बताएका छन्।

शनिबार नेपाल आर्थिक पत्रकार संघको १५औं वार्षिकोत्सवमा बोल्दै गभर्नर अधिकारीले यस्तो बताएका हुन्। उनले अर्थतन्त्र सकरात्मक दिशामा अघि बढ्ने समयमा आन्तरिक तथा अन्तर्राष्ट्रियसँगै समस्याले अफ्ठ्यारो पार्ने गरेको बताए।

पछिल्लो समय अन्तर्राष्ट्रिय तथा आन्तरिक रुपमा नेपालको अर्थतन्त्रमा अनिश्चिताको भुमरि देखिएको उनको भनाइ छ। उनले नेपालको अर्थतन्त्रमा भूकम्प र कोभिड महामारीले ठूलो असरपछि अन्तर्राष्ट्रिय रुपमा भएका रुस र युक्रेनको युद्ध नरम हुन नपाउँदै अर्को इजरायल र हमासको युद्ध र शुक्रबारको भूकम्पले थप असर पार्ने बताएका छन्।

गर्भनर अधिकारीले बाह्य क्षेत्र सकरात्मक हुँदा त्यसको फाइदा लिन सक्नुपर्नेमा जोड दिए। सप्लाई चेन र बजारमूल्य निर्धारणको कारण मूल्यवृद्धि हुने गरेको उनको भनाइ छ।

उनले अर्थतन्त्र चलायमान बनाउन निजी क्षेत्र र सरकार मिलेर आयोजना छिटो टुंग्याउँदा अर्थतन्त्रमा सकरात्मक प्रभाव पार्ने दाबी गरे।

उनले १२.७ महिनाको आयात र १०.३ प्रतिशत आयात र सेवालाई धान्ने क्षमताको विदेशी मुद्रा सञ्चिति रहेको भन्दै अर्थतन्त्रका यस्ता सकारात्मक पक्षलाई इग्नोर गरेर जान नमिल्ने बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मोटरसाइकल दुर्घटनामा एकको मृत्यु

अवकासको ४० दिनअघि एआईजी रवीन्द्र केसीले दिए राजीनामा

दाङमा आधा किलो सुनसहित एक जना पक्राउ