शिक्षकमाथि गोली प्रहार: हत्यामा संलग्न भएको आशंकामा एक जना पक्राउ

सुरक्षा/अपराध

नेपाल लाइभ सोमबार, कात्तिक १३, २०८० २०:२७

काठमाडौं– सोमबार दिउँसो कलैया उपमहानगरपालिका–६ मा शिक्षक रुपेश सर्राफमाथि गोली प्रहार गरी हत्या गरेको घटनामा संलग्न भएको आशंकामा एक जना पक्राउ परेका छन्।

जिल्ला प्रहरी कार्यालय, बाराले कलैयाबाट एक जनालाई पक्राउ गरेको जानकारी दिएको छ। प्रहरीले थप विवरण खुलेपछि मात्र उनको नाम सार्वजनिक गर्ने बताएको छ। पक्राउ परेकामाथि अनुसन्धान भइरहेको छ।

सोमबार दिउँसो पाने १ बजे मोटरसाइकलमा घरतिर गइरहेका बेला बाल एकता बोर्डिङ स्कुलका प्रधानाध्यापक सर्राफलाई अज्ञात समूहले गोली हानेको थियो।

गोली लागेपछि गम्भीर घाइते भएका उनलाई थप उपचारका लागि वीरगन्जको बयोधा अस्पतालमा लगिएको थियो। तर उपचारका क्रममा उनको निधन भएको हो।

प्रहरीका अनुसार मोटरसाइकलमा आएका दुई जना अज्ञात व्यक्तिले शिक्षक रुपेशलाई गोली प्रहार गरी फरार भएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रपतिसमक्ष एकैपटक ५ वटा अध्यादेश सिफारिस

रविलाई आज पनि हिरासतमै पठाउने आदेश

डाक्टरको मासिक तलबभत्ता न्युनतम १ लाखदेखि २ लाख ५० हजार पुर्‍याउन सिफारिस