काठमाडौं– शुक्रबार मकवानपुरको बकैयामा बस दुर्घटना हुँदा ३५ जना घाइते भएका छन्।
मदन भण्डारी राजमार्ग (धरान चतरा सडक खण्ड) अन्तर्गत पर्ने बकैया-५ तीनतलेमा शुक्रबार दिउँसो ४:२० बजे हेटौंडाबाट जुरेलीतर्फ जाँदै गरेको ना १ ख ३९८८ न.को बस दुर्घटना भएको थियो ।
बस आफैं अनियन्त्रित भई सडकबाट १०/१५ मिटर तल खसेको प्रहरीले बताएको छ। दुर्घटनामा ३५ जना घाइते भएका छन्।
पाँच जना गम्भीर घाइतेलाई एम्बुलेन्स र बाँकी घाइतेहरुलाई बसमा राखेर उपचारका लागि हेटौंडातर्फ पठाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।