फिल्म 'कौसीद'को गीत 'सपनाको घर' सार्वजनिक

सिनेमा

नेपाल लाइभ बिहीबार, असोज २५, २०८० १५:५२

काठमाडौं– शुक्रबारबाट प्रदर्शनमा आउन लागेको फिल्म 'कौसीद'मा समावेश गीत 'सपनाको घर' सार्वजनिक भएको छ। दुःखबाट बाहिर निस्केर सुखी जिन्दगीको सपना बुनेको एक परिवारको कथालाई गीतमा प्रस्तुत गरिएको छ।

सार्वजनिक लिरिकल भिडियोसहितको गीतमा स्वर आशिष रोक्काको छ। शब्द तथा संगीत पनि आशिषले नै तयार पारेका छन्। गीतको लिरिकल भिडियोमा प्रमुख कलाकार भोलाराज सापकोटा र ऋचा शर्मासँगै उनिहरूको फिल्मी परिवारलाई देखाइएको छ।

फिल्म कुमार भाष्करको निर्देशनमा बनेको फिल्ममा रुपेश दाहाल, परिक्षित विक्रम राणा, सदिक्षा गौतम, निर्भिक भट्टराई र सन्दीप लोहनी मुख्य भुमिकामा छन्।

केदार भुसालको निर्माणमा तयार भएको यो फिल्मको कार्यकारी निर्माता दिमेश श्रेष्ठ र सह-निर्माता लक्ष्मण बानियाँ हुन्। यो फिल्मको कथा लेखन नवविजय प्रकाश श्रेष्ठ र धिर्जन थपलियाले गरेका छन् । निसाल पौडेलले छायांकन गरेको फिल्ममा भिम विश्वकर्माको सम्पादन छ।

बड पिक्चर्सको ब्यानरमा तयार भएको फिल्मलाई आर आर फिल्मस् ले वितरण अधिकार लिएको छ। यो फिल्मले वित्तिय ऋणको चपेटामा परेको एक शिक्षकको परिवारको कथा बोल्छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछानेलाई निलम्बन नगर्न सभामुखसँग रास्वपा सांसदहरुको आग्रह

१२ सहसचिवको सरुवा, कसको कहाँ? (सूचीसहित)

त्रिभुवन विमानस्थलको सुधार कार्ययोजना १५ दिनभित्र पेश गर्न मन्त्री पाण्डेको निर्देशन