पेट्रोलियम पदार्थको मूल्यवृद्धि पुनरावलोकन गर्न प्रधानमन्त्रीको निर्देशन

अर्थ समाचार

नेपाल लाइभ आइतबार, असोज १४, २०८० १३:२४

काठमाडौं– प्रधानमन्त्री पुष्पकमल दाहाल प्रचण्डले पेट्रोलियम पदार्थमा भएको मूल्यवृद्धिको पुनरावलोकन गर्न नेपाल आयल निगमलाई निर्देशन दिएका छन्।

प्रधानमन्त्री प्रचण्डले आइतबार निगमका कार्ककारी निर्देशक उमेशप्रसाद थानीलाई बोलाएर सरकारलाई जानकारी नै नदिइ मूल्यवृद्धि गरिएको भन्दै असन्तुष्टि जनाए। प्रधानमन्त्री प्रचण्डले मूल्यवृद्धि फिर्ता लिन वा पुनरावलोकन गर्न निगमलाई निर्देशन दिएको सरकारका प्रवक्ता एवम् सञ्चार तथा सूचना प्रविधिमन्त्री रेखा शर्माले जानकारी दिइन्।

प्रधानमन्त्रीले असन्तुष्टि व्यक्त गरेपछि कार्यकारी निर्देशक थानीले स्वचालित मूल्य प्रणाली लागू गरिएको र भारतबाट पेट्रोलियम पदार्थको मूल्य बढेर आएका कारण बढाउने निर्णय भएको जानकारी दिएका थिए।

प्रधानमन्त्रीले मूल्य घटाउन निर्देशन दिइसकेको जानकारी दिँदै मन्त्री शर्माले त्यससम्बन्धमा आयल निगमले सूचना जारी गर्ने बताइन्।

‘प्रधानमन्त्री ज्युले निर्देशन दिइसक्नुभएको छ। नेपाल आयल निगमले त्यसबारे सूचना जारी गर्छ,’ शर्माले भनिन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माओवादीको आरोप- सरकारले संसदलाई अपहेलना गर्‍यो

धरहरा प्रवेश शुल्कबाट ३ महिनामा उठ्यो एक करोड ५२ लाख राजस्व

आइएमईको स्टोरी एम्बेसडर बने साइग्रेस