काठमाडौं- ट्रिबेल उपाधि विजेता म्यानचेस्टर सिटी ईएफएल (काराबाओ) कपबाट बाहिरिँदा चेल्सी, लिभरपुल र आर्सनल भने विजयी भएका छन्। ईएफएल कप अन्तर्गत बुधबार राति भएको खेलका चेल्सीले ब्राइटनलाई १-० ले हरायो। खेलको ५०औं मिनेटमा पाल्मरको पासमा ज्याक्सनले गरेको १ मात्र गोल निर्णयक बन्दा चेल्सी अर्को चरणमा प्रवेश गर्यो।
त्यसैगरी लिभरपुलले लेस्टर सिटीमाथि कमब्याक जित निकाल्दै अर्को चरण प्रवेशको ढोका खुल्ला राख्यो। खेलको तेस्रो मिनेटमै म्याक्टीले गोल गर्दै लेस्टरलाई अग्रता दिलाएका थिए।
गोक्पोले ४८औं मिनेटमा गोल गर्दै खेल बराबरीमा ल्याए। ७० मिनेटमा जोबोस्ला र ८९औं मिनेटमा जोटाले गोल गरेपछि लिभरपुल ३-१ को जित निकाल्दै अर्को चरणमा प्रवेश गर्यो।
अर्को खेलमा आर्सनल विजयी भयो। आर्सनलले ब्रनफोर्डमाथि १-० को कठिन जित निकाल्यो। आठौं मिनेटमा नेल्सनले गरेको १ मात्र गोल निर्णायक बन्दा आर्सनल अर्को चरणमा प्रवेश गर्यो।
अन्य खेलहरुमा इभर्टनले एस्टन भिल्लालाई २-१ गोल अन्तरले र ब्ल्याकबर्नले कार्डिफलाई ५-२ गोल अन्तरले हरायो।
बोर्नमाउथले स्टोकलाई २-० गोल अन्तरले, फुलहामले नर्विचलाई २-१ गोल अन्तरले र वेस्टहामले लिनक्लोन सिटलई १-० गोल अन्तरले हराउँदै अर्को चरणमा प्रवेश गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768982215.png)
-1768981471.jpg)
-1764146706.png)
