म्यानचेस्टर सिटीको लगातार छैटौं जित, रोड्रीलाई रातो कार्ड

फुटबल

नेपाल लाइभ आइतबार, असोज ७, २०८० १०:५७

काठमाडौं- डिफेन्डिङ च्याम्पियन म्यानचेस्टर सिटीले इंग्लिस प्रिमियर लिग फुटबलमा लगातार छैटौं जित निकालेको छ। शनिबार राति नटिङ्हम फरेस्टलाई हराएर सिटीले छैटौं जित निकालेको हो।

सिटीले नटिङ्हमलाई २-० ले हरायो। खेलको सातौं मिनेटमा वाकरको पासमा फिल फोडेनले गोल गर्दै सिटीलाई अग्रता दिलाएका थिए।
नुनेसको पासमा १४औं मिनेटमा हालाण्डले गोल गरेपछि सिटीले अग्रता दोब्बर बनायो।

दोस्रो हाफको सुरुमै ४६औं मिनेटमा सिटी १० खेलाडीमा सीमित भयो। विपक्षी खेलाडीको घाँटी समातेपछि रेफ्रीले सिटीका मिडफिल्डर रोड्रीलाई सोझै रोता कार्ड दिएका थिए। त्यसपछि केही दबाबमा आएको सिटीले आफ्नो अग्रता जोगाइराख्यो र खेल २-० ले खेल जित्यो।

जितसँगै ६ खेलबाट १८ अंकसहित सिटी लिगको शीर्ष स्थानमा छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गाडीको ठक्करबाट पैदलयात्रीको मृत्यु

बिहान ९ बजे देखि नै चर्कीदै शिक्षक आन्दोलन, दिउँसो राप्रपाको प्रदर्शन

राप्रपाले आज काठमाडौंमा प्रदर्शन गर्दै, सुरक्षा व्यवस्थामा कडाई