काठमाडौं– फिल्म ‘एक भगवत् गीता’को निर्माण टिमसँग गुरुङ फिल्म एशोसियसन नेपालले कथाअंश मागेको छ।
फिल्मको प्रचार सामग्रीमा गुरुङ समुदायको भेषभुषासाहित केही कथावस्तु समेटिएको भन्दै कथाको अंश उक्त एशोसियनबाट प्रमाणीकरण गर्नुपर्ने जिफानको अध्यक्ष गुञ्ज बहादुर गुरुङ र महासचिव तोल बहादुर गुरुङबाट जारी पत्रमा उल्लेख छ।
'...गुरुङ समुदायको चलचित्र विधा हेर्ने एक मात्र छाता संस्था गुरुङ फिल्म एशोसियशन नेपाल (जिफान को १५ औ साधारण सभाबाट अनुमोदित विधान तथा नियमावलीमा नेपाल भित्र वा बाहिर निर्माण हुने कुनै पनि भाषाका चलचित्रमा गुरुङ समुदायको सामुदायिक विषयको उठान गरिएको छ भने सो चलचित्रले छायांकन अगावै कथाको उक्त अंश गुरुङ फिल्म एशोसियशनबाट प्रमाणीकरण गर्नु पर्ने छ भन्ने उल्लेख भएकाले सामाजिक सदभाव कायम राखी रास्त्रीयता र नेपालि चलचित्रलाई विवाद रहित बनाउन यस एक भागवत गीता चलचित्रमा गुरुङ समुदायको कुन विषय समावेश गरिएको हो कृपया उल्लेख गरि पठाई दिनु हुन अनुरोध गर्दछु, ’ पत्रमा लेखिएको छ, ‘चलचित्र प्रदर्शनमा यस गुरुङ फिल्म एशोसियनले संस्थागत रुपमा नै यहाँहरुलाई सहयोग गर्ने व्यवहोरा समेत अवगत गराउन चाहन्छु।'
फिल्मका निर्माता सुनिल कुमार थापाले उक्त पत्र पाएपछि फिल्ममा गुरुङ समुदायलाई गलत तरिकाले प्रस्तुत नगरिएको बताए। ‘उहाँहरूले कथाअंश माग गर्नुभएको छ। तर मैले गुरुङ समुदायलाई गलत रुपमा चित्रण नगरिएको बताएको छु,'उनले नेपाललाइभसँग भने।
यसअघि पनि फिल्मको नामकै कारण धार्मिक संगठनहरूले विरोध जनाउँदै आएका थिए। निर्मातासँग फिल्मको पटकथा हेर्नका लागि उनीहरूले दबाब दिँदै आएका थिए।
निर्माता सुनिलकुमार थापा अब यसरी विभिन्न संगठनहरूले हस्तक्षेप गर्दै जाने हो भने कुनै पनि फिल्म बनाउन नसकिने बताउँछन्। ‘सबैले यसरी हस्तक्षेप गर्ने हो भने कुन कथामाथि फिल्म बनाउने। यो त डरमर्दो भयो,’ उनले भने।
फिल्मम २९ भदौबाट प्रदर्शनमा आउँदैछ।
फिल्ममाथि धार्मिक संगठनको ‘कैँची’, मानसिक दबाब झेल्दै निर्माता
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1784873618.png)
