च्याम्पियन्स लिगको ‘ड्र’ सार्वजनिक: पीएसजी ‘ग्रुप अफ डेथ’मा, बायर्न र ‘म्यान यू’को भिडन्त समूह चरणमै

फुटबल

नेपाल लाइभ शुक्रबार, भदौ १५, २०८० १०:५२

काठमाडौं– यूईएफए च्याम्पियन्स लिगको ‘ड्र’ सार्वजनिक भएको छ। नेपाली समयानुसार बिहीबार राति सिजन २०२३/२४ को ‘ड्र’ सार्वजनिक भएको हो।

जसअनुसार फ्रेन्च क्लब पेरिस सेन्ट जर्मेन (पीएसजी) ‘ग्रुप अफ डेथ’ (कठिन समूह) मा परेको छ। पीएसजीको समूहमा बुन्डेसलिगा क्लब बोरुसिया डर्टमन्ड, इटालियन सिरी ए क्लब एसी मिलान र न्युक्यास्टल परेका छन्।

इंग्लिस क्लब म्यानचेस्टर सिटी भने तुलनात्मक रुपमा सजिलो समूहमा परेको छ। ला–लिगा च्याम्पियन बार्सिलोनाले पनि यसपटक तुलनात्मक रुपमा सहज प्रतिस्पर्धी पाएको छ। यसअघि लगातार २ पटकसम्म बार्सिलोनाले समूह चरण पार गर्न सकेको थिएन।

यता समूह चरणमै बायर्न म्युनिख र ‘म्यान यू’ (म्यानचेस्टर युनाइटेड)को भिडन्त हुने भएको छ। यी दई टोली समूह चरणमै भिड्ने भएकाले खेल निकै रोचक र प्रतिस्पर्धात्मक हुने देखिन्छ।

यस्तो छ ‘ड्र’:

समूह ‘ए’	बायर्न म्युनिख, म्यानचेस्टर युनाइटेड, एसफी कोपनहेगन, गालाटासारे
समूह ‘बी’	सेभिल्ला, आर्सनल, पीएसभी, आरसी लेन्स
समूह ‘सी’	नापोली, रियल मड्रिड, ब्रागा, युनियन बर्लिन
समूह ‘डी’	बेनफिका, इन्टर मिलान, साल्जबर्ग, रियल सोसिडाड
समूह ‘ई’	फेनिवुर्ड, एथ्लेटिको मड्रिड, लाजिओ, सेल्टिक
समूह ‘एफ’	पीएसजी, बोरुसिया डर्टमन्ड, एसी मिलान, न्युक्यास्टल
समूह ‘जी’	म्यानचेस्टर सिटी, आरबी लेइपजिग, शाख्तर डोनेस्क, रोयल एन्टवर्प

सिजन २०१६/१७ पछि आर्सनलले पहिलो पटक च्याम्पियन्स लिग खेल्दैछ। न्यूक्यास्टलले भने सन् २००२/००३ पछि पाहिलोपटक च्याम्पिन्स लिग खेल्दैछ।

स्पेनका ५ वटा टिमले च्याम्पियन्स लिगमा प्रतिस्पर्धा गरेका छन्। ला–लिगामा शीर्ष ४ टोली (बार्सिलोना, रियल मड्रिड, एथ्लेटिको मड्रिड र रियल सोसिडाड) र युरोपा लिग च्याम्पियन्सको हैसियतले सेभिल्ला गरी ५ टिमले प्रतिस्पर्धामा भाग लिएका हुन्।

जर्मन क्लब युनियन बर्लिनले यो सिजन च्याम्पियन्स लिगमा डेब्यू गरेको छ। युक्रेनी च्याम्पियन शाख्तर डोनेस्कले आफ्नो घरेलु मैदान जमर्नीको ह्याम्बर्गलाई बनाउँदै खेल्नेछ। किनभने रुसले निरन्तर आक्रमण गरिरहेकोले युक्रेनमा प्रतियोगिता नगरिने भएको हो।

समूह चरणका खेलहरु २९ सप्टेम्बरदेखि १३ डिसेम्बरसम्म चल्नेछन्। जुन १ मा बेम्बेलीमा फाइनल खेल हुनेछ।

यो अहिलेको ढाँचाका अन्तिम च्याम्पियन्स लिग हो। जहाँ प्रत्येक ४ टोलीमध्ये समूहको शीर्ष २ टोली अन्तिम १६ मा प्रवेश गर्नेछन्।

अर्को सिजनबाट भने ३२ बाट ३६ टोली समावेश गराइनेछ। ती सबैले ८ खेल खेल्नेछन्। त्यो पनि आठ फरक विपक्षीसँग। यी सबै खेलहरुर होम एण्ड अवेको आधारमा खेलाइनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बनस्थलीबाट माइक्रोबस चोरेर धादिङ पुर्‍याउने व्यक्ति पक्राउ

घट्यो पेट्रोलियम पदार्थको मूल्य, कुनमा कति ?

एकैपटक देशभर किन भयो विद्युत् अवरुद्ध?