काठमाडौं– साताको पहिलो दिन नेप्से परिसूचक ८ दशमलव ५९ अंकले बढेको छ। आइतबार नेप्से परिसूचक ११ सय ९० दशमलव २८ को बिन्दुमा पुगेको छ।
आइतबार १ सय ६४ कम्पनीको ३० करोड २५ लाख ९७ हजार २०१ रुपैयाँ बराबरको सेयर किनबेच भएको छ। एनआसी एसिया बैंकको सर्वाधिक कारोबार भएको छ। बैंकको ३ करोड २० लाख ५७ हजार १ सय ८ रुपैयाँ बराबरको सेयर किनबेच भएको छ। त्यस्तै नेपाल लाइफ इन्स्योरेन्सको २ करोड ९० लाख २ हजार ६ सय ७७ रुपैयाँ बराबरको सेयर खरिद÷बिक्री भएको छ।
आइतबार कारोबारमा आएका तीन समूहमात्र हरियाली छाउन सकेन। अन्य समूह १ दशमलव ९ अंक, जीवन बीमा समूह १ दशमलव ०८ अंक र उत्पादन तथा प्रशोधन समूहमा शून्य दशमलव ७५ अंकले घटेको छ।
यता सर्वाधिक कमाउनेमा होटल समूह अन्तर्गतका लगानीकर्ताहरू परेका छन्। समूहको सेयर मूल्य ३२ दशमलव ११ अंकले बढेको छ भने निर्जीवन बीमा समूह २९ दशमलव ४३ अंकले बढेको छ। त्यस्तै बैंकिङ समूह ११ दशमलव १४ अंकले बढेको छ।
सर्वाधिक कमाउनेमा एनआइसी एसिया बैंकका लगानीकर्ता पनि रहेका छन्। बैंकको सेयर मूल्य प्रतिकित्ता १८ रुपैयाँले बढेर ३ सय ५८ रुपैयाँ कायम भएको छ। त्यस्तै तिनाउ डेभलपमेन्ट बैंकको सेयर मूल्य प्रतिकित्ता ९ रुपैयाँले बढेको छ।
सर्वाधिक बढी गुमाउनेमा सूर्योदय लघुवित्त वित्तीय संस्थाका लगानीकर्ता रहेका छन्। कम्पनीको सेयर मूल्य प्रतिकित्ता ३८ रुपैयाँले घटेर १ हजार ५ सय १ रुपैयाँमा कारोबार रोकिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
