भारतबाट इन्धनको मूल्य बढेर आयो, नेपालमा पेट्रोल-डिजेलमा बढ्ने, ग्यासमा घट्ने

समाचार

नेपाल लाइभ मंगलबार, साउन १६, २०८० १५:३९

काठमाडौं- भारतीय आयल निगम (आईओसी) ले पेट्रोल तथा डिजेलको भाउ बढाएर पठाएको छ। नेपाल आयल निगमलाई पठाएको मूल्यसूची अनुसार पेट्रोल प्रतिलिटर ७ रुपैयाँ ८७ पैसा र डिजेल ६ रुपैयाँ ६१ पैसाले बढेर आएको नेपाल आयल निगमका प्रवक्ता मनोज ठाकुरले बताए।

ठाकुरका अनुसार आईओसीले पठाएको सूचीअनुसार नेपालमा पनि स्वचालित प्रणालीबाट मूल्य समायोजन हुनेछ। जसका कारण इन्धनको मूल्य बढ्न जानेछ। आईओसीले प्रत्येक १५ दिनमा नयाँ मूल्यसूची पठाउने गर्छ।

आईओसीले ग्यासको मूल्यमा भने प्रतिसिलिण्डर १ सय रुपैयाँ घटाएर पठाएको प्रवक्ता ठाकुरले बताएका छन्। स्वचालित प्रणालीले ग्यासको मूल्य भने घट्नेछ।

ठाकुरका अनुसार हवाई इन्धनमा पनि केही मूल्य बढेर आएको छ। यसको भने स्वचालित मूल्य अनुसार मूल्य परिवर्तन हुँदैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सुनको मूल्य बढ्यो, कतिमा हुँदैछ कारोबार ?

मकै बालीमा फौजी किराको समस्या देखिएपछि किसान चिन्तित

हवलदार सहित नेपाल प्रहरीका २१ कर्मचारी सम्पर्कविहीन, ७ दिनभित्र हाजिर हुन आउन आग्रह