चिनियाँ कम्युनिस्ट पार्टीका केन्द्रीय विदेश मामिला आयोग प्रमुख वाङ यीसँग अमेरिकी विदेशमन्त्री ब्लिंकन
काठमाडौं– अमेरिकी विदेशमन्त्री एन्टोनी ब्लिंकन चीन भ्रमणमा छन्। ब्लिकनले चीनका शीर्ष राजनीतिज्ञ वाङ्ग यी र चीनियाँ विदेशमन्त्री चित गागसँग भेट गरेका छन्। उनीहरुसँगको भेट चलिरहँदा प्रश्न के उठेको छ भने अमेरिकी विदेशमन्त्रीको चिनियाँ राष्ट्रपति शी चिनफिङसँग भेट होला त? तर हालसम्म यी दुई नेताको भेटवारे पुष्टि हुन नसकेको बीबीसीले जनाएको छ।
नोभेम्बर २०२२ मा अमेरिकी उपराष्ट्रपति कमला ह्यारिसले व्यक्तिगत रुपमा शी चिनफिङसँग भेट गरेकी थिइन्। यो भेट थाईल्याण्डमा एशिया–प्रशान्त आर्थिक सहयोग शिखर सम्मेलनमा भएको थियो। अहिलेसम्म अमेरिकीका कुनै पनि शीर्ष अधिकारीले चीनका राष्ट्रपतिसँग भेटघाट गरेका छैनन्।
नयाँ राष्ट्रपतिको रुपमा जोन बाइडन आएपछि विदेशमन्त्री ब्लिंकनले चीन भ्रमणको तयारी गरेका थिए। तर उक्त भ्रमण बेलुन विवादका कारण रद्द भएको थियो।
अमेरिकी विदेशमन्त्रीले चिनियाँ कम्युनिस्ट पार्टीका केन्द्रीय विदेश मामिला आयोग प्रमुख वाङ यीसँग भने भेट गरेका छन्।
अमेरिकी विदेशमन्त्री ब्लिंकनले आइतबार चिनियाँ समकक्षी चिन गागसँग भेट गरेका थिए। उनीहरुले सँगै लञ्च पनि गरे। यो बैठक निर्धारित समयभन्दा करिब १ घण्टा ढिलासम्म चलेको थियो।
उनीहरुले बरिव ८ घण्टासम्म सँगै बैठक गरेका थिए। भेटपछि आइतबार राति एक पत्रकार सम्मेलनमा अमेरिकी विदेश विभागका एक वरिष्ठ अधिकारीले अमेरिका चीनसँग फेरि शीर्ष स्तरमा कुराकानी शुरु गर्ने दिशामा अघि बढेको बताए।
दुई नेताहरुले भेटमा दुवै देशका बीचमा जारी मतभेदलाई कम गर्ने र आगामी दिनमा सहकार्य गर्नेबारे छलफल भएको अन्तर्राष्ट्रिय सञ्चार माध्यमले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765528419.png)
-1763721444.png)
-1765273665.jpg)
