ब्राजिलमाथि मोरक्कोको रोमाञ्चक जित

फुटबल

नेपाल लाइभ आइतबार, चैत १२, २०७९ ०८:३१

काठमाडौं– अन्तर्राष्ट्रिय मैत्रीपूर्ण खेलमा ब्राजिल मोरक्कोसँग पराजित भएको छ। मोरक्कोले पाँचपटकको विश्व च्याम्पियन ब्राजिलमाथि २–१ को रोमाञ्जक जित निकाल्यो।

मोरक्कोको जितमा सोफिएन बोउफल र अब्देलहामिद साविरीले १–१ गोल गरे। ब्राजिलका कप्तान क्यासमिरोले १ गोल फर्काए।

आइतबार बिहान भएको खेलमा ब्राजिलले घरेलु टोली मोरक्कोमाथि खेल अवधिभर दबाब कायम राख्यो। तर, नतिजा भने आफ्नो पक्षमा पार्न सकेन।

खेलको २९औं मिनेटमा सोफिएन बोउफलले गोल गर्दै मोरक्कोलाई सुरुवाती अग्रता दिलाए। ब्राजिलका कप्तान क्यासमिरोले ६७औं मिनेटमा गोल गर्दै खेललाई १–१ गोलको बराबरीमा ल्याए।

ब्राजिलले त्यो बराबरीलाई रोक्न सकेन। ७९औं मिनेटमा अब्देलहामिद साविरीले गोल गर्दै मोरक्को जित पक्का गरे।

ब्राजिलले अधिकांश युवा खेलाडीलाई मैदान उतारेको थियो। चोटका कारण नेयमार, कप्तान थियागो सिल्भा, मार्किन्हस, रिचार्लीसन, एलेक्स सान्द्रो र ड्यानी आल्भेस टोलीमा थिएनन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

खानेपानीको क्षेत्रमा नागरिकले प्रत्यक्ष देख्ने र महसुस गर्ने गरी काम भएको छ : मन्त्री यादव

आयातमा लगाइएको कर अस्थायी रूपमा घटाउन अमेरिका र चीन सहमत

जडीबुटी चोकदेखि पेप्सीकोलासम्म सडक सीमा क्षेत्रका अनधिकृत संरचना हटाउन महानगरपालिकाकाे निर्देशन