काठमाडौं- अर्जेन्टिनी गोलकिपर लिएन्द्रो रेक्युनाले सम्भवत: हालसम्मकै सबैभन्दा लामो दूरीबाट गोल गर्ने कीर्तिमान बनाएका छन्। चिलीमा भइरहेको 'टप सकर लिग'मा कोबरेसल पक्षका उनले कोलो-कोलोमाथि उक्त गोल गरेका हुन्।
उक्त गोलसँगै कोबरेसल ३-१ ले विजयी भएको थियो। खेलको ७७ मिनेटमा उक्त गोल भएको हो। पहिले ने २-० ले अघि रहेको कोबरेसलले उक्त गोलसँगै अग्रता तेब्बर पारेको थियो।
बल विपक्षी गोलकिपरको हातमा रहेका बेला कोलो-कोलोका गोलकिपर सामान्य अवस्था जस्तै पेनाल्टी क्षेत्रबाहिर उभिएका थिए। त्यहीबेला विपक्षी गोलकिपर रेक्युनाले फालेको बल उनको टाउकोमाथिबाट गोलपोष्टतिर गयो। उनले बलको पिछा गरे पनि रोक्न असम्भव रह्यो।
टिएटी स्पोर्ट्स चिलीका अनुसार उक्त गोल १०१ मिटरको दूरीबाट भएको छ। जसलाई गिनिज बुक अफ वर्ल्ड रेकर्ड्सले समेत अनुमोदन गरेको छ।
यसअघि ९६.१ मिटरबाट भएको गोल नै सबैभन्दा लामो दूरीको थियो। सन् २०२१ मा इग्ल्यान्डका टम किङले न्युपोर्ट काउन्टी र चेल्टेनहम टाउनबीचको खेलमा उक्त गोल भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
