काठमाडौं– मणि लामाको निर्णायक गोलको सहयोगमा बुधबार विभागीय टोली एपिएफले अर्को बलियो विभागीय टोली त्रिभुवन आर्मी क्लबलाई पराजित गरेको छ।
ललितपुरस्थित च्यासल मैदानमा सम्पन्न खेलमा बलियो आर्मीबिरुद्ध एपिएफले सुखद् नतिजाका लागि १–० को रोमाञ्चक जित निकालेको हो। एपिएफलाई स्पष्ट अंक दिलाउने क्रममा मणि लामाले ३७ औं मिनेटमा गरेको गोल निर्णायक बन्यो।
पेनाल्टी बक्सभित्र विपिन श्रेष्ठले उपलब्ध गराएको बललाई मणिले जाली चुमाउन सफल भएका थिए। यस जितसँगै एपिएफले चार खेलबाट ७ अंक बनाएको छ। पहिलो पराजय व्यहोरेको आर्मीको समान ४ खेलबाट ५ अंक भएको छ।
यसअघि आर्मीले तीन खेलबाट एक जित र दुई बराबरी खेलेको थियो। पहिलो खेलमा संकटासँग बराबरीमा रोकिएको आर्मी दोस्रो खेलमा साविक विजेता मछिन्द्रलाई पराजित गरेको थियो।
यस्तै तेस्रो खेलमा न्युरोड टिम (एनआरटी) सँग बराबरीमा रोकिएको थियो। यता एपिएफले भने तीन खेलमा समान जित, बराबरी र हारको नतिजा निकालेको थियो। थ्री स्टार क्लबमाथि जितसहित लिगमा सुखद् सुरुवात गरेको एपिएफले दोस्रो खेलमा सातदोबाटोसँग पराजय भोगेको थियो। तेस्रो खेलमा एपीएफले जावलाखेल युथ क्लबसँग बराबरी खेलेको थियो।
यसअघि पहिलो हाफमा दुवै टोलीले केही राम्रा अवसर बनाएका थिए। दुवैले अवसर खेर फाल्न पुगेका थिए। सुरुवातबाट आक्रामक खेल देखाएको आर्मीको अग्रतपंक्ति बारम्बार चुक्दा एपिएफविरुद्ध अग्रता लिने धेरै अवसर खेर गएका थिए। तर काउन्टर खेलेको एपिएफले १२ औं मिनेटको प्रयास असफल भएको थियो।
कप्तान नवीन लामाको फ्रिकिक क्रसमा सनिश श्रेष्ठको हेडर बल पोस्ट नजिकैबाट बाहिरिएको थियो। २८ औं मिनेटमा दिनेश हेन्जनको प्रहार एपिएफका गोलकिपर अन्जल श्रेष्ठले बचाउँदा आर्मीको पहिलो अवसर खेर गएको थियो। ६४ औं मिनेटमा मणीको प्रहार बाहिरिँदा एपिएफले अग्रता दोब्बर बनाउने मौका गुमायो । पहिलो हाफमा नतिजा सुम्पिएको आर्मी दोस्रो हाफमा बढी आक्रामक देखिएको।
खेलअवधि अवसर पाए पनि सदुपयोग गर्न असफल नै देखियो। कप्तान भरत खवासले पेनाल्टी क्षेत्रमा पुर्याएको बललाई सही दिशा दिन नसक्दा बराबरी अवसर खेर गएको थियो। बाँकी समयमा दुवै टोलीले गोलका लागि अवसर खोजे पनि जाली चुमाउन असफल भए।
लिगमा बिहीबार पनि दुई खेल हुनेछन्। पहिलो खेलमा च्यासल मैदानमा खुमलटार र सातदोबाटो युथ क्लबबीच प्रतिष्पर्धा हुने छ भने एन्फा मुख्यालयको मैदानमा हिमालयन शेर्पा र संकटा क्लबबीच खेल हुनेछ। दुवै खेल साढे २ बजे हुनेछन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
