समाचार

पशुपतिमा शिवरात्रीको रौनक [तस्बिरहरू]

निमेषजंग राई शनिबार, फागुन ६, २०७९ १२:५३

काठमाडौं- शनिबार महाशिरवरात्री पर्व पशुपतिनाथ लगायत देशैभरका शिवालयमा मनाइँदैछ। महाशिवरात्रीका अवसरमा पशुपतिनाथका चार ढोका बिहान ३ बजेदेखि नै खुला गरिएको छ। अहिलेसम्म पाँच लाख भक्तजनले दर्शन गरिसकेको पशुपति विकास कोषले जनाएको छ।

बिहान छोटो लाम भए पनि अहिले लाइन बढ्न थालेको छ। उत्तरतर्फको लाम चाबहिल चोकभन्दा माथि पुगेको छ। पश्चिमतिरको लाम गौशाला चोक, दक्षिणतिरको लाम त्रिभुवन अन्तर्राष्ट्रिय विमानस्थल नजिक र पूर्वतर्फ पाँको लाम गौरीघाटसम्म पुगेको छ।

महाशिवरात्रीकै अवसरमा राष्ट्रपति विद्यादेवी भण्डारीले बेलुकी पूजा एवं दर्शन गर्ने कार्यक्रम रहेको छ।

महाशिवरात्रीका अवसरमा पशुपति क्षेत्रमा पाँच हजारभन्दा बढी साधुसन्तको आगमन भएको छ। नागाबाबालाई मूल मन्दिरभित्र राखिएको छ। साधुसन्तलाई बिहीबारदेखि नै कोषले भोजन, आवास र धुनीको व्यवस्था गरेको छ। यसमा गुठी संस्थानको पनि सहयोग रहेको छ।

कोषका अनुसार यस वर्ष १० लाख भन्दा बढी दर्शनार्थीले महाशिवरात्रिका दिन पशुपति दर्शन गर्न सक्ने गरी व्यवस्थापन गरिएको छ।

थप तस्बिरहरू :

Shivratri-Pashupati (11)1676704017.jpg