लिक्मा (मसुरिया)– घरमा रूवावासी छ। घर प्राङ्गणमा मानिसको आवतजावत जारी छ। कैलालीको गौरीगंगा नगरपालिका वडा नम्बर ८ लिक्मामा रहेको कैलाली जिल्ला समन्वय प्रमुख पदम कलेलको घर शोकमा डुबेको आइतबार १५ दिन पुगेको छ।
१५ औं दिनको अवसरमा नेपाली कांग्रेस गौरीगंगा नगर कार्य समितिले शोक सभा आयोजना गर्यो। सभाका वक्ताहरुले पार्टीले एक खम्बा गुमाएको र सँगै एक परिवारले घरको सहारा गुमाएको चर्चा गरे।
सभामा नेपाली कांग्रेस प्रदेश सभा सदस्य प्रकाश बहादुर बमले कलेलले निस्वार्थ रूपमा पार्टीलाई बलियो बनाउन इमान्दारिताका साथ काम गरेको बताए। ‘दुMखको दिन उनले पार्टीप्रति निष्ठवान रहे तर उनको सुखको दिन आउँदा पनि जनताको सेवामा निस्वार्थ लागिरहे’ नेता बमले भने।
नेपाली कांग्रेसका जिल्ला सचिव नृप सुनारले कलेल शालिन र गम्भीर नेता रहेको बताए।
जब उनी अस्पताल थिए
मुटु र कलेजोमा समस्या भएपछि काठमाडौंस्थित वीर अस्पताल भर्ना गरियो। आर्थिक अवस्था कमजोर भएका कललले उपचारका लागि गुहार माग्नुपर्ने स्थिति आयो।
कैलालीका १३ वटा स्थानीय तहमध्ये केहीले आन्तरिक स्रोतबाटै नगद सहयोग गरे। केही तहले भने विभिन्न व्यक्तिको सहयोग लिँदै उपचार खर्च जुटाए। तर पुस २३ गते उपचारकै क्रममा उनको निधन भयो।
उपचार मात्रै होइन उनी हरेक निर्वाचनमा विभिन्न व्यक्तिको आर्थिक सहयोगमा नै अघि बढेका थिए। उनका परिवारका सदस्यहरूले पनि त्यही साथ र सहयोग पार्टी तथा समाजबाट पाउने नेताहरू बताउँछन्।
उनको राजनीतिक यात्रा
नेपाली कांग्रेसबाट जिसस प्रमुख बनेका कलेले २०४६ सालदेखि राजनीतिक यात्रा सुरु गरेका हुन्। पार्टीमा लागेपछि उनी २०५४ सालको निर्वाचनबाट साविकको मसुरिया गाविस वडा नम्बर ४ का वडाध्यक्ष बने।
जनयुद्धकालीन समयमा उनी माओवादीबाट निर्घात कुटपिटमा परि घाईते भएका थिए। २०६२/०६३ को राजनीतिक आन्दोलनमा उनले जेलजीवन पनि बिताए।
देश संघीय संरचनामा गएपश्चात भएको स्थानिय तहको निर्वाचनमा गौरीगंगा नगरपालिका वडा नम्बर ८ को वडाध्यक्षमा पराजित भए।
२०७९ को निर्वाचनमा वडा नम्बर ८ मा वडा सदस्यमा निर्वाचित भएका कलेल जिसस प्रमुखमा पनि निर्वाचित भए। उनले जिसस प्रमुखसँगै जनप्रिय मावि, सामुदायिक वनको पनि नेतृत्व सम्हालिसकेका छन् ।
एक सदस्यलाई रोजगारीको माग
नेपाली कांग्रेसको राजनीतिक यात्राकै क्रममा जीवन त्याग गरेका कलेलका परिवारले एक जना सदस्यलाई रोजगारी दिन माग गरेका छन्। घरको खम्बा नै गुमाएपछि जिविकोपार्जनका लागि एक सदस्यलाई सरकारी जागिरको व्यवस्था गरिदिन माग गरेका हुन्।
कलेलकी श्रीमती भावनादेवी कलेलले भनिन्, ‘घरको अवस्था नाजुक छ। छोराछोरी पढाउन पनि समस्या हुने भएको। त्यसैले परिवारको कुनै एक जनालाई रोजगार दिन उचित हुन्थ्यो।’
कृषिबाटै उनको परिवारको खर्च जोहो हुँदै आएको छ। श्रीमान्को साथ र सहयोगकै कारओ भावनादेवी कृषिकर्ममा लागेकी थिइन्। उनको निर्माणधीन घर अझै अधुरो छ। त्यो घर कसरी पूरा गर्ने भन्नेबारेमा पनि समस्या परेको भावनाले बताइन्। प्रदेश सभा सदस्यसमेत रहेका नेता बमले कुनै एक सदस्यलाई रोजगारीको व्यवस्था गर्ने आश्वासन दिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743697159.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
