धनगढी– सुदूरपश्चिम प्रदेशका सभामुखका लागि मर्मत भइरहेको निवास बाहिरबाट चिटिक्क छ। रातो रंगको भवनभित्र केही काम भइरहेको छ। मेसिन चलेको ध्वनि गेटमै सुनिन्छ।
मर्मत भइरहेको सभामुखको भान्सा कोठा हो। भित्र भिडियो र फोटो खिच्न अनुमति माग्दा भने सचिवालयले सभामुखको अनुमति लिनुपर्ने भन्दै पन्छियो भने सभामुखले अनुमति दिएनन्।
सभामुखकै निवास तयारीमा ढिलाइ भएकोबारे समाचार संकलनका लागि जाँदा अनुमति नपाउनुले सभामुखको पारदर्शितामा जवाफ खडा भएको गुनासो सञ्चारकर्मीहरूको छ। निवर्तमान सभामुख अर्जुनबहादुर थापाले निवास छोडेको दुई महिना बढी भइसक्दासमेत मर्मत भएन। अहिले सभामुखमा भीमबहादुर भण्डारी निर्वाचित भएपछि प्रदेश सभा सचिवालयले मर्मत कार्य अघि बढाएको जनाएको छ।
प्रदेश सभा सचिवालयका कर्मचारीका अनुसार कार्पेट फेर्नुपर्ने, निवास रंगरोगन र भान्सा घर मर्मत गर्नुपर्ने अवस्थामा रहेको छ।
सचिवालयले निर्वाचित सभामुखको निवास समयमै मर्मत नगर्दा उनी चटकपुरस्थित भाडाको घरमा बस्न बाध्य छन् ।
सभामुख निवासभित्र के–के मर्मत भइरहको हो र कसरी काम भइरहेको छ भनेर स्थलगत समाचार संकलनमा जाँदा सचिवालयले सभामुखको अनुमति लग्नुपर्ने भन्दै भिडियो तथा फोटो खिच्नमा रोक लगायो सञ्चारकर्मीहरू सुनासो गर्छन्।
सभामुख भण्डारीसँग टेलिफोनबाट अनुमति माग्दा उनले अस्वीकार गर्ने गरेका छन्। ‘मेरो निवास मर्मत भइरहेकोले म भाडामा बसिरहेको हुँ। अहिले फोटो तथा भिडियोको अनुमति दिन्न।’
सचिवालयका अनुसार निवास मर्मतका लागि प्रदेश सरकारसँग बजेट माग गर्दा नपाएपछि मर्मतमा ढिलाइ भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
_OHnC2j8U2n-1781168997.jpg)
-1764146706.png)
