फुटबल

स्पेनको क्लबसँग काठमाडौं– ११ पराजित

नेपाल लाइभ बिहीबार, पुस १४, २०७९ २०:५८

काठमाडौं– स्पेनको क्लव कासेरेन्यो सीपीसँगको मैत्रीपूर्ण खेलमा काठमाडौं– ११ पराजित भएको छ।

त्रिपुरेश्वरस्थित दशरथ रंगशालामा बिहीवार साँझ भएको खेलमा काठमाडौं– ११ स्पेनको चौथो श्रेणीको लिग क्लब कासेरेन्योसँग २–१ ले पराजित भएको हो। यससँगै नेपाल भ्रमण गरेको कासेरेन्योले दुईवटा मैत्रीपूर्ण खेल मध्ये दुबैमा सुखद नतिजा निकालेको छ। कासेरेन्योको जितमा अल्भारो क्लाउस र डेभिड ग्रान्डेले एक–एक गोल गरे। ४१ औं मिनेटमा काठमाडौं ११ का गोलकिपर विशाल श्रेष्ठको गल्तीका फाइदा उठाउँदै अल्भारोले पहिलो हाफमा अग्रता दिलाएका थिए।

राष्ट्रिय फुटबल टोलीका पूर्वकप्तान विराज महर्जनको कप्तानीमा रहेको काठमाडौं–११ विरुद्ध स्पेनिस टोलीले ८२ औं मिनेटमा डेभिडले गोल थप्दै अग्रता दोब्बर बनाएका थिए। त्यसको चार मिनेटपछि जर्ज प्रिन्स कार्की एक गोल फर्काउँदै अन्तर घटाए पनि बाँकी समयमा थप गोल हुन सकेन र भ्रमणकारी टोलीले जित निकाल्न सक्यो।

यसअघि कासेरेन्योले बुधवार पोखरा रंगशालामा गण्डकी–११ सँग खेलेको थियो। उक्त खेलमा कासेरेन्योले गण्डकी–११ माथि ३–० को जित निकाल्दै पहिलो मैत्रीपूर्ण खेलमा सुखद् नतिजा निकालेको थियो।

नेपालमा दुई मैत्रीपूर्ण खेल खेल्नका स्पेनको क्लब नेपाल आएको हो। स्पेनस्थित नेपाली राजदूतावास, अखिल नेपाल फुटबल संघ, काठमाडौं जिल्ला फुटबल संघ र कास्की जिल्ला फुटबल संघको सहकार्यमा लुम्बिनी गार्डेन फाउण्डेसनले कासेरेन्योको नेपाल भ्रमण आयोजना गरेको हो।

यो पनि पढ्नुहोस

स्पेनिस टोली कोसेरेन्योले गण्डकी–११ माथि सहज जित निकाल्यो

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

७२ घण्टाभित्र माग सम्बोधन नभए आन्दोलन गर्ने कर्मचारीहरूको चेतावनी

विद्यालयको चाबी बोकेर काठमाडौं आउन विद्यालय कर्मचारीलाई निर्देशन

केन्द्राध्यक्षलाई काठमाडौं आउन शिक्षक महासंघको अपील