काठमाडौं– अर्जेन्टिनालाई पेनाल्टी दिने इटालियन रेफ्री डेनियल ओरसाटाेकाे प्रदर्शनकाे क्राेएसियाली कप्तान लुका माेड्रिचले आलाेचना गरेका छन्।
विश्वकपअन्तर्गत मंगलबार राती सम्पन्न सेमिफाइनलमा अर्जेन्टिनाले ३–० गाेलले क्राेएसियालाई पराजित गरेकाे थियाे। जसमा पहिलाे गाेल ३४ मिनेटमा पेनाल्टीमार्फत लिओनल मेसीले गरेका थिए।
म्यानचेस्टर सिटीका जुलियान अल्भारेजलाई डिबक्सभित्र क्राेएसियाली गाेलकिपर डाेमिनिक लिभाकाेभिचले बल लैजान राेकेकाे भन्दै रेफ्री ओरसाटाेले पेनाल्टीकाे अवसर प्रदान गरेका थिए।
इटालियन रेफ्रीकाे यही निर्णयले खेलकाे परिणाम बदलिएकाे माेड्रिचले बताएका छन्। रेफ्रीकाे निर्णयलाई लिएर इंग्ल्याण्डका पूर्व खेलाडी ग्यारी नेभिललगायत आइटिभी पण्डितहरुले पनि आलाेचना गरेका छन्। उनीहरुले किपरकाे अन्यत्र जाने ठाउँ नभएकाे हुनाले स्पट किक दिनु दुर्भाग्यपूर्ण भएकाे बताए।
आलाेचनाका बाबजुद अर्जेन्टिनाकाे खेलकाे भने माेड्रिचले तारिफ गरेका छन्। ‘यसका बाबजुद पनि म अर्जेन्टिनाबाट बिकर्सित भएकाे छैन। पेनाल्टीले हामीलाई मार्यो। हामीले तेस्रो स्थानको लागि पुनरागमन गर्दै खेल जित्नु पर्नेछ,' रियल मड्रिडका स्टारले भने 'अर्जेन्टिना खेलको निष्पक्ष विजेता थियो। उनीहरु राम्रो थिए, जित्न योग्य। तर यी कुरा (पेनाल्टी) हरू उल्लेख गर्नुपर्छ।’
अर्जेन्टिनासँगकाे खेलमा रेफ्रीकाे पेनाल्टीकाे निर्णयलाई माेड्रिचले मात्र हाेइन, क्राेएसियाका अन्य स्टार खेलाडीले पनि खेलकाे अन्त्य भएकाे रुपमा अर्थ्याउन खाेजेका छन्।
चेल्सी मिडफिल्डर माटेओ काेभासिचले थपे, ‘हामी पेनाल्टीका कारण पराजित भयाै। जे हाे त्यही हाे। दुवै परिस्थितिमा मलाई अचम्म लाग्याे। पहिलाे उनले कर्नर दिएनन् र अर्काे यही हाे। मैले रेफ्रीसँग कुरा गरिन्। यिनीहरु पूँजीगत त्रुटीहरु हुन् र जसकाे भुक्तान हामीले गर्नु पर्याे।’
मेसीले ३४ मिनेटमा पेनाल्टीबाट गाेल गर्नुअघि क्राेएसियाले खेलमा नियन्त्रण बनाएकाे थियाे। उनीहरु मजाले बललाई आफ्नाे नियन्त्रणमा राखेर खेलिरहेका थिए। मेसीले गाेल गरेकाे पाँच मिनेटपछि अल्भारेजले क्राेएसियाकाे डिफेन्स लाइन भत्काउँदै काउन्टर अट्याकमार्फत गाेल गरे।
अघिल्लाे विश्वकपमा माेड्रिच ४० वर्षका हुनेछन्। त्यसैले कतार विश्वकपलाई उनकाे अन्तिम विश्वकपकाे रुपमा हेरिएकाे थियाे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
