काठमाडौं– कतारमा जारी फिफा विश्वकप २०२२ मा मोरोक्कोको टिमले आफ्ना लागि विशेष स्थान र सम्मान प्राप्त गरेको छ। मोरक्कोको टिम पोर्चुगललाई हराउँदै सेमिफाइनलमा पुगिसकेको छ।
मोरक्कोको यस सफलतामा जो स्टार एकदम चम्किरहेका छन् ती हुन् गोलकिपर यासिन बोनो। उनलाई प्रशंसक ‘बोनो’ भनेर बोलाउँछन्।
टिमलाई सेमिफाइनलमा पुर्याउनका लागि सबैभन्दा महत्वपूर्ण भूमिका उनकै छ। उनी अहिले प्रशंसकको चर्चाको शिखरमा छन्। उनलाई हिरोलाई जस्तै सम्मान मिलिरहेको छ।
मोरक्कोले जारी विश्वकपमा अहिलेसम्म पाँच खेल खेलेको छ। र कुनै पनि खेलमा हार व्यहोरेको छैन। विश्वकपमा मोरक्कोको पहिलो प्रतिस्पर्धा क्रोएशियासँग थियो। यो खेलमा कुनै पनि टिमले गोल गर्न सकेनन्। दुवै टिमले अंक बाँडेका थिए।
यसपछि मोरक्कोले बेल्जियमसँग २–०ले जित निकाल्यो। क्यानडासँग २–१ र स्पेनलाई पेनाल्टीमा ३–०ले हरायो। क्वाटरफाइनलमा भने पोर्चुगललाई मोरक्कोले १–० गोलले पराजित गर्यो।
क्यानडाविरुद्धको प्रतिस्पर्धामा मोरक्कोले आत्मघाती गोल गरेको थियो। यदि यसलाई छाड्ने हो भने अहिलेसम्म जारी विश्वकपमा मोरक्कोले विपक्षी टिमबाट एउटा पनि गोल खाएको छैन।
यही कारण पिन मोरक्कोको सफलताको श्रेय गोलकिपर बोनालाई दिइएको छ। पोर्चुगलसँगको जितसँगै ३१ वर्षीय गोलकिपर बोनोले भने, ‘हामी यहाँ मानसिकता बदल्न आएका हौं र हिनताको भावबाट बाहिर निस्कन आएका हौं। मोरक्को विश्वको कुनै पनि टिमको सामना गर्नका लागि तयार छ। सेमी फाइनलको अगाडि पनि अरु प्रतिस्पर्धामा।’
बोनोको प्रदर्शन
स्पेनविरुद्धको प्रतिस्पर्धामा बोनोले पेनाल्टी शुटआउटमा एक पनि गोल हुन दिएनन्। यसअघि १३० मिनेट चलेको प्रतिस्पर्धामा उनले स्पेनका तर्फबाट बललाई गोलपोस्ट छुन पनि दिएनन्।
यस प्रतिस्पर्धापछि स्पेनको टिम विश्वकपबाट बाहिरियो र प्रतिस्पर्धामा मोरक्कोको फुटबल इतिहासमा नाम दर्ता भयो।
बोनोले भने, ‘हामीले यस मानसिकतालाघ बदल्यौं। हामीपछि खेलाडीको जुन पिँढी आउने छ उनीहरुले थाहा पाउनेछन् कि मोरक्कोका खेलाडी चमत्कार गर्न सक्छन्।’
बोनोले आफ्नो करिअरको महत्वपूर्ण समय स्पेनमै बिताएका छन्। उनी ‘सेभिले’का गोल किपर हुन्। बोनोलाई सन् २०२२ मा फ्रान्सको प्रतिष्ठित याशीन ट्रफिबाट सम्मानित गरिएको थियो। यो पुरस्कार विश्वका सर्वश्रेष्ठ गोलकिपरलाई दिइन्छ। यो अवार्डपछि उनलाई विश्वको नवौं सबैभन्दा उत्कृष्ट गोलकिपर मानियो।
बोनोलाई स्पेनको प्रतिष्ठित जमोरा ट्रफिबाट पनि सम्मानित गरिएको थियो। स्पेनमा यो अवार्ड वर्षमा सबैभन्दा कम गोल खाने किपरलाई प्रदान गरिँदै आएको छ। बोनोलाई सन् २०२१–२०२२ सत्रका लागि यो अवार्ड दिइएको थियो।
अगस्ट २०२० मा सेभिलेका तर्फबाट खेलेका बोनोले शानदार गोलकिपिङ गरेका थिए। उनको टिम र म्यानचेस्टर युनाइटेडविरुद्ध २–१ ले विजयी भएको थियो। सेभिलेले यसका साथै आफ्नो छठौं यूरोपिय लिग जितेको थियो।
बोनोको यात्रा
बोनोको जन्म आफ्नो देश मोरक्कोभन्दा धेरै टाढा क्यानडाको मोन्ट्रियलमा भएको थियो। सात वर्षको उमेरमा उनी मोरक्को फर्किएका थिए। बालापनदेखि नै उनको रुचि फुटबलमा थियो। तर उनका बुवा खेलप्रति बोनोको लगावविरुद्ध थिए।
बोनोले वायदाद कासाब्लाका तर्फबाट खेल्न सुरु गरे र व्यवसायिक फुटबलर बन्न जोड दिए।
अर्जेन्टिना टिमका फ्यान
स्पेनको फुटबल क्लब एट्लेटिको मड्रिडले जब उनलाई अनुबन्ध गर्यो तब उनलाई मोरक्को छोडे। तर उनको अनुभव धेरै राम्रो भएन। उनले यो क्लब छाडे। पछि उनी सत्र २०१४–१६ जमोराका साथ रहे। फेरि उनी २०१६–१९ सम्म गिरोना फुटबल क्लबको हिस्सा रहे। यसपछि भने उनी सेभिले पुगे।
भलै बोनो स्पेनसँग जोडिएका छन् तर सबैलाई थाहा छ कि उनी अर्जेन्टिनी फुटबलका ठूला प्रशंसक हुन्। केही वर्षअघि बोनोले भनेका थिए, ‘पहिलो टिशर्ट मेरा बुबाले मलाई दिनुभएको थियो। त्यो अर्जेन्टिनाको थियो।’
बोनोको मुखमा प्राय अर्जेन्टिनाकै नाम आइरहन्छ। यसको कारण बताउँदै उनले एकपटक भनेका थिए, ‘म केही हुनुभन्दा अघि मोरक्कोको धेरै हुँ। जब म स्पेन पुगेँ त्यहाँ मेरो साथमा अर्जन्टिनाका खेलाडी खेलिरहेका थिए। मेरो मुखमा उनीहरुको बोलीको असर पर्यो।’
बोनोले चाहने खेलाडी अर्जेन्टिनाका एरियल ओर्टेगा हुन्। जसलाई ‘एल बर्रिटो ओर्टेगा’का नामले पनि चिनिन्छ। एकपटक बोनाेले आफ्नो कुकरलाई मायाँले एरियल भनेर बोलाउने गरेको पनि बताएका थिए।
अहिले फुटबलको दुनियाँमा मोरक्को सबैभन्दा चासोका हेरिएको टिम हो। लगातार जितका कारण मोरक्कोलाई सबैले नियालिरहेका छन्। जो अब सेमिफाइनलमा फ्रान्ससँग भिड्दैछ। दोस्रो सेमिफाइनल खेल क्रोएशिया र अर्जेन्टिनाबीच हुनेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
