दोहा– कतारमा जारी विश्वकपमा ८ वटा टिमबीचको क्वार्टर फाइनल खेल शुक्रबारदेखि सुरु हुंदैछ। यसमा पनि विश्वकपका दुई प्रतिद्धन्द्धी टिम अर्जेन्टिना र द नेदरल्याण्ड्स भिड्दै छन्।
द नेदरल्याण्ड्सलाई सन् १९७८ विश्वकपको फाइनलमा पराजित गरेर पहिलो उपाधि जितेको अर्जेन्टिना कतार विश्वकपमा पनि आफ्नो अभियान उसलाई जितेर निरन्तर राख्न चाहन्छ।
तर, दक्षिण अमेरिकी राष्ट्रका लागि सोचे जस्तो सहज हुने छैन। द नेदरल्याण्ड्स ८ वर्षअघि २०१४ को विश्वकपमा अर्जेन्टिनाबाट भोगेको पराजयको बदला लिन चाहन्छ। यतिबेला पनि सेमिफाइनलमा अर्जेन्टिनाले पेनाल्टी सुटआउटमा पराजित गरेको थियो।
द नेदरल्याण्ड्सका लागि अहिले अर्जेन्टिनी टोलीमा सबैभन्दा ठूलो चुनौतिको रूपमा लिओनल मेसी रहेका छन्। उसले मेसीलाई सबैभन्दा ठूलो टार्गेट बनाएको छ।
त्यसैले मेसीविरूद्ध प्रतिक्रिया दिँदा डच खेलाडीहरू संयमित देखिन्छन्। कतारमा सबैभन्दा ठूलो फ्यान पनि मेसीकै छन्। आज लुसेल रंगशालामा अर्जेन्टिनाविरूद्ध उत्रिदा डच खेलाडीले रंगशालामा मेसीका लागि हुने समर्थनको पनि सामना गर्नुपर्ने छ।
डच डिफेन्डर नाथन आकेले डच क्याम्पमा मेसीको विषयमा खासै चर्चा नभएको प्रतिक्रिया दिएका छन्। तर उनको भनाईप्रति कसैलाई पत्यार लागेको छैन। पेरिस सेन्ट जर्मेनका अर्जेन्टिनी स्ट्राइकर अहिले राम्रो लयमा देखिन्छन्।
नाथनले मेसीको विषयमा प्रतिक्रिया दिँदै भनेका छन्, ‘डच क्याम्पमा पेरिस सेन्ट जर्मेनको फरवार्डको विषयमा धेरै कुरा भएन। साचो भन्नुपर्दा हामीले उनको विषयमा धेरै बेर चर्चा गरेनौं। उनी सर्वकालीन उत्कृष्ट खेलाडी हुन्। उनलाई रोक्न गाह्रो पर्छ। हामीले केही समय आराम गर्यौ। उनको विषयमा कुनै धारणा बनाएका छैनौं।’
उनले मेसी मात्र नभएर अर्जेन्टिनी टिममा अरु पनि राम्रो खेलाडी भएको बताए। ‘हामीलाई थाहा छ राम्रो प्रतिस्पर्धा हुन्छ।’
म्यानचेस्टर सिटीका डिफेन्डर आकेले आफ्ना क्लबका सहपाठी अर्जेन्टिनाका जुलियान अल्भारेजको विषयमा पनि कुरा गरेका छन्। ‘उ निकै प्राविधिक छ। उसलाई ट्रेनिङमा पनि रोक्न निकै गाह्रो पर्छ। निकै तिखो छ। राम्रो फिनिसिङ छ। त्यसैले कडा टक्कर हुनेछ,’ उनले भने।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
