काठमाडौं– सामान्यतया खेलमा आफ्नो टिम पराजित हुँदा देशका समर्थकहरू रुने गर्छन। तर, कतारमा जारी विश्वकप फुटबलमा मंगलबार राती अर्के दृश्य देखा पर्यो।
अमेरिकासँग समूह ‘बी’ को निर्णायक खेलमा इरान १–० ले पराजित हुँदै प्रतियोगिताबाट बाहिरियो।
तर यति दुःखद घटनामा इरानी समर्थकले आफ्नो टिमको पराजयमा खुसी मनाए।
इरानको केही शहरमा समर्थकहरू पराजयको खुसी मनाउँदै गरेको देखिए। इरानमा केही महिना देखि सरकारविरूद्ध प्रदर्शन हुँदै आइरहेको छ। हिजाब नलगाएको आरोपमा पक्राउ परेकी मासा अमिनी नाम गरेकी एक युवतीको हिरासतमै निधन भएको थियो। यसपछि सरकारविरूद्ध प्रदर्शन भइरहेको छ।
महिला अधिकारको विषयलाई लिएर हिजोआज दैनिक प्रदर्शन भइरहेको छ। सरकारले पनि आफ्नो विरोधमा उत्रिएका प्रदर्शनकारीलाई पक्राउ गर्दै जेलमा कोच्ने काम गरिरहेको छ।
अहिले आफ्नो टिम विश्वकपमा पराजित हुँदा देशमा खुसी मनाउनुपर्ने कारण सरकारको विरोध मानिएको छ। प्रदर्शनकारी इरानी फुटबल टिमलाई सरकारको प्रतिनिधित्व मान्ने गर्छन। मंगलबार तेहरानको सडकमा निस्किएर केही प्रदर्शनकारीले अमेरिकाविरूद्ध पराजयको खुसी मनाएको अन्तर्राष्ट्रिय समाचार संस्थाहरूले बताएका छन्।
कतार विश्वकपमा सहभागी हुन पुगेका इरानी फुटबल खेलाडी पनि सरकारको विरोधमा इंग्ल्याण्डविरूद्धको पहिलो खेलमा राष्ट्रिय गीत बज्दा चुप लागेर बसेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
