इरानका ‘विद्रोही मेसी’, जो महिला मुक्तिका लागि लडिरहेका छन्

फुटबल

नेपाल लाइभ सोमबार, मंसिर ५, २०७९ १८:०१

काठमाडौं– इङ्ल्याण्डविरूद्ध समूह ‘बी’ अन्तर्गत मैदानमा उत्रिँदा सबैको आँखा सरदार अजमौनमा गएर टिक्ने छ।

किनभने उनी इरानमा विद्रोहको प्रतीक हुन्। ‘इरानी मेसी’ को उपनामले चर्चित अजमौन जर्मनी क्लब बायर लेभरकुसेनबाट खेल्छन्।

उनले इरानमा भइरहेको महिलाप्रतिको अत्याचारलाई लिएर आवाज उठाएका थिए। हिजाब नलगाएको आरोपमा पक्राउ परेकी महसा अमिनीको प्रहरी हिरासतमै निधन भएको थियो। यसपछि इरानका स्ट्राइकरले सार्वजनिक रूपमै यो कार्यको विरोध गरेका थिए। यसले इरानी शासकहरूलाई अफ्ठेरोमा पनि पारेको थियो।

त्यसैले उनलाई राष्ट्रिय टोलीमा नपार्न विश्वकपको मुखमा प्रशिक्षक कार्लोस क्विरोजमाथि दबाब बनाइएको थियो। तर, क्विरोजले सबै दबाबलाई किनारा लगाउँदै सरदार अजमौनको छनोटलाई सुनिश्चित बनाए।

अहिले अजमौन इरानका अन्य खेलाडीसँगै राष्ट्रिय टोलीको नेतृत्व गर्दै कतार पुगेका छन्। चोटबाट बाहिर आउन संघर्ष गरिरहेका उनी फिट भएको अवस्थामा सोमबार मैदानमा उत्रिने निश्चित छ।

उनले फुटबलको नतिजा जे भए पनि इरानी महिलाहरूको मुक्तिका लागि आफू लडिरहने बताएका छन्। उनले भनेका छन्, ‘सबैभन्दा खराब अवस्थामा म राष्ट्रिय टोलीबाट बर्खास्त हुन सक्नेछु। तर, मलाई समस्या छैन। जे परे पनि म इरानी महिलाको अधिकारका लागि लडिरहने छु।’

प्रहरी हिरासतमा महिलाको निधन भएपछि इरानमा सुरु भएको प्रदर्शनमा ३ सय ४ जनाले ज्यान गुमाइसकेका छन्।
‘इरानी महिलाले पनि चाहेको काम गर्न पाउनुपर्छ। म उनीहरूको पक्षमा छु,’ उनी भन्छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय बीच भलिबल सिन्धुपाल्चोकमा हुने

सौगातको ‘बम बहादुर’ पुष ५ मा आउने, यस्तो छ टिजर

कांग्रेस–एमालेको सत्ता गठबन्धन अर्को निर्वाचनसम्म हुनेछ : नेता डा महत