तस्बिर सौजन्य : पुरुषोत्तम गिरी।
दाङ- सल्यानमा बुधबार बिहान भएको जीप दुर्घटनामा परि मृत्यु भएका सबैको सनाखत भएको छ।
बाँकेको ढकेरीबाट सल्यानको कपुरकोट सिनवाङका लागि छुटेको रा १ ज ५६३ नम्बरको जीप बिहान साढे तीन बजेतिर कपुरकोट गाउँपालिका-६ रिम जलवाङमा दुर्घटना भएको थियो।
दुर्घटनामा परी जीप चालक कपुरकोट–६ जलवाङका २१ वर्षीय जितबहादुर बोहरा, सोही ठाउँका ३७ वर्षीय धर्म वली, ४० वर्षीय टोपबहादुर वली, उनका छोरा ११ वर्षीय वसन्त वली, सोही ठाउँका ३० वर्षीय सुरेश खत्री, ७० वर्षीय खुमलाल वली, ५५ वर्षीया कुमारी वली र कपुरकोट–५ रिमका ३५ वर्षीय ललित वली रहेका जिल्ला प्रहरी कार्यालय सल्यानले जनाएको छ।
उनीहरूको शवलाई पोष्टमार्टमका लागि सल्यान अस्पताल लगिँदैछ। घाइते कपुरकोट–६ जलवाङका ३५ वर्षीय तिलक वलीको तुलसीपुरमा उपचार भइरहेको छ।
बाँकेको ढकेरीबाट बिहे भोज खाएर फर्कँदै गर्दा जीप दुर्घटनामा परेको हो। जीपमा ८ पुरुष र १ महिला गरी ९ जना सवार रहेको प्रहरीले जनाएको छ। जीप अनियन्त्रित भएर सडकबाट १ सय ५० मिटर तल खसेको सल्यान प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768395492.png)
-1768391713.png)
-1764146706.png)
