दाङ- काठमाडौंबाट रुकुमकोटका लागि छुटेको यात्रुबाहक बस रुकुम पूर्वमा दुर्घटना भएको छ।
बिहीबार दिउँसो साढे दुई बजे रुकुम पूर्वको भूमे गाउँपालिका–३ तिरखोलास्थित क्याङसिबगर नजिकै ग १ ख ९१०९ नम्बरको बस दुर्घटना हुँदा पाँच जनाको मृत्यु भएको जिल्ला प्रहरी कार्यालय रुकुम पूर्वका प्रमुख, प्रहरी नायब उपरीक्षक प्रकाश डाँगीले जानकारी दिए।
उनका अनुसार पाँच जनाको घटनास्थलमै मृत्यु भएको हो। दुर्घटनामा परेर १२ जना घाइते भएका छन्। बस सडकबाट एक सय मिटर तल खसेको डीएसपी डाँगीले नेपाल लाइभलाई जानकारी दिए।
मृत्यु भएकाहरूको परिचय खुलेको छैन। घटनाको थप विवरण आउन बाँकी छ। दुर्घटनास्थलमा अहिले पनि उद्धार कार्य चलिरहेको छ।
घाइतेहरुको जिल्ला अस्पताल रुकुम पूर्वमा उपचार भइरहेको छ। बस अनियन्त्रित भएर दुर्घटना भएको हुनसक्ने प्रहरीले प्रारम्भिक अनुमान गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764146706.png)
-1763721444.png)
-1763559424.jpg)
-1764080971.png)
