चाडवाडलक्षित बजार अनुगमन देशैभरी तीव्र पारिँदै

अर्थ समाचार

नेपाल लाइभ मंगलबार, असोज ११, २०७९ १३:२१

काठमाडौं– उपभोक्ता हित संरक्षण मञ्चले सातै प्रदेशमा बजार अनुगमनलाई तीव्रता दिने भएको छ। विशेष गरी चाडवाडलाई लक्षित गरेर अनुगमन तीव्र पारेको उपभोक्त अधिकारकर्मी ज्योती बाँनियाले बताए।

अनुगमनका क्रममा मञ्चले गत असोजमा फेटा–२ बाराको जय माँ लक्ष्मी डेरी उद्योगमा अनुगमन गरेको थियो। उक्त डेरीमा केक बनाउने रसायन प्रयोग गरि फरक–फरक ६ ब्रान्डका नक्कली घ्यु बनाइ बिक्रीका लागि बजार पठाइएको फेला पारेको थियो।

मञ्चले उक्त घ्यु उत्पादकमाथि कालोबजारी तथा उपभोक्ता ठगीमा जिल्ला प्रशाशन कार्यलय बारामा उजुरी दर्ता गर्‍यो। उक्त उजुरीको आधारमा जिल्ला प्रशासन कार्यलय, प्रहरी, खाद्य प्रविधि र मञ्चको संयुक्त टोली पुग्दा नक्कली घ्यु उत्पादन भइरहेको फेला परेको हो।

त्यहाँको बिल हेर्दा चितवन, दाङ लगायत जिल्लाका विभिन्न ठाउँमा गएको भन्ने मञ्चको आन्तरिक सूचना केन्द्रमा आएपछि बिलमा उल्लेखित स्थान पर्ने जिल्लाहरू सहायक प्रजिअको अगुवाईमा मञ्चसहितको टोलीले घ्यु तत्काल बरामद गरि डेरी सिलबन्दी गरेको उपभोक्ता अधिकारकर्मी ज्योतीले बताए।

‘यो उपभोक्ता संस्था सक्रिय र सञ्जाल प्रभावकारी हुनुको परिणाम हो। यसैको अनुरोध समेतमा सम्मानीय प्रधानमन्त्रीज्यूको निर्देशनमा हुने भनिएको आकस्मिक विशेष बजार अनुगमन उपलब्धिमूलक, चर्चायोग्य, स्वच्छ बजार तथा उपभोक्ता हित संरक्षणको लागि असल सन्देश दिने खालको होस् र सफल होस्’ उनले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रेमविवाह विवादमा भएको झडपमा घाइतेको मृत्यु

अमेरिका पठाउने भन्दै डेढ करोड ठगी, तीन जना पक्राउ

आमसञ्चार परिषद् विधेयक प्रतिनिधिसभाबाट सर्वसहमतिले स्वीकृत