काठमाडौं– करण जोहर प्रोडक्सनमा बनेको रणवीर कपुर र आलिया भट्टको बहुप्रतिक्षित फिल्म 'ब्रह्मास्त्र' प्रर्दशनमा आउन केही समय मात्र बाँकी रहेको छ।
फिल्मले अग्रिम बुकिङ खुला गरेको छ। २ सेप्टेम्बरसम्म २ डी, ३ डी र ४ डीका लागि अग्रिम बुकिङ खुला गरिएको थियो। रिलिज डेट नजिकिएसँगै निर्माण पक्षले प्रचारप्रसार पनि जोडतोडले शुरु गरेको छ। यही शिलशिलामा २ सेप्टेम्बरमा हैदरावादमा एस एस राजामौली र जुनियर एनटीआरको उपस्थितिमा ब्रह्मास्त्रको प्रमोशनल इभेन्ट आयोजना गरिएको थियो। जसमा करण जोहर, रणवीर कपुर, आलिया भट्ट, मौनी रोय र नागार्जुन पनि सहभागी थिए ।
ब्रमास्त्रको प्रमोशनल इभेन्टमा डिज्नी स्टारका कन्ट्री म्यानेजर एवं प्रेसिडेन्ट माधवनले यो भारतीय फिल्म मात्र नभएको बताए । यसले दुनियाँभरको यात्रा दर्शनाउने उनको दावी थियो। यसलाई ८ हजार स्क्रिनमा रिलिज गरिने तयारी गरिएको छ। भारतमा ५ हजार र विश्वभर ३ हजार स्क्रिनमा यसको रिलिज हुने छ।
मधवनले यत्रो ठूलो रिलिज पहिलोपटक हुन लागेको बताए । निर्माण पक्षले पनि अहिलेसम्म रिलिज भएको बलिवुड फिल्ममध्ये सबैभन्दा धेरै स्क्रिनमा यो रिलिज गरिने दाबी गरेको छ।
फिल्म प्रमोशन कार्यक्रममा प्राइम फोकसका नमित मलहोत्राले भने, 'पछिल्लो आठ वर्षमा ६ ओस्कर जितेका छौँ त्यसैले ब्रह्मास्त्र कुनै हलिवुड फिल्मभन्दा कम हुने छैन ।' धर्मा प्रोडक्सनका अपूर्व मेहताले अयान मुखर्जी आफ्नो ४० औँ वर्षगाँठको समयमा फिल्मबारे छलफल भएको र अहिले ५० औँ मनाईरहँदा फिल्म रिलिज हुन लागेको भन्दै यसले लामो दुरीमा अविश्वसनीय यात्रा तय गरेको बताए।
स्टार स्टुडियोज, धर्मा प्रोडक्सन, प्राइम फोकस र स्टारलाईट पिक्चर्सद्वारा निर्मित ब्रह्मास्त्र ५ भारतीय भाषा हिन्दी, तमिल, तेलगु मलयालम र कन्नडमा रिलिज हुने छ। यसबाहेक फिल्ममा शाहरुख खानको पनि एउटा भूमिका देखिने छ जसले फिल्मको कहानीलाई अलग मोडमा लैजाने दाबी निर्माण पक्षले गरेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
