‘प्रेमगीत ३’को ‘मायाको गाउँ’ गीत सार्वजनिक

सिनेमा

नेपाल लाइभ बिहीबार, भदौ ९, २०७९ १४:३३

काठमाडौं– अभिनेता प्रदीप खड्का तथा अभिनेत्री कृष्टिना गुरुङको मुख्य अभिन रहेको फिल्म ‘प्रेम गीत ३’को गीत ‘मायाको गाउँ’ सार्वजनिक भएको छ। हाल फिल्मको प्रचारमा व्यस्त निर्माण पक्षले बिहीबार फिल्मको गीत सार्वजनिक गरेको हो।

गीतलाई प्रताप दासले गाएका छन्। विष्णु भण्डारीको शब्द रहेको गीतलाई सरोज पोखरेलले संगीत दिएका हुन्। गीतको भिडियोमा पनि अभिनेता खड्का र अभिनेत्री गुरुङ फिचर्ड छन्।

हिमाली परिदृश्यमा खिचिएको गीतको भिडियोमा हिउँ पर्दाको समयदेखि हिँउले ढाकिए पहाडहरुको मनोरम दृश्य कैद गरिएको छ। भिडियोमा प्रदीप र कृष्टिना रोमान्टिक भावमा देखिएका छन्।

भारत र नेपालमा एकसाथ प्रदर्शन हुन लागेको यो फिल्म असोज ७ गतेबाट प्रदर्शनमा आउँदै छ। फिल्म भारतमा हिन्दी भाषामै प्रदर्शन हुँदै छ।

छेतेन गुरुङ र मन्दिप गौतमको लेखन रहेको फिल्मलाई निर्देशक सन्तोष सेन र छेतेन गुरुङले निर्देशन गरेका हुन्। फिल्ममा अभिनेता खड्का र कृष्टिनासँगै शिव श्रेष्ठ, सुनिल थापा, सन्तोष सेन, माओत्से गुरुङ, मनिष राउत, प्रेम पुरी, अनुभव रेग्मी, लक्ष्मी बर्देवालगायतका कलाकारको अभिनय रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केयूको उपकुलपतिका लागि पिएचडीको न्यूनतम योग्यता राखिएकोमा चिकित्सकहरुको विरोध

प्रहरी अस्पतालका ४ जना इन्स्पेक्टरलाई डीएसपीमा बढुवा गर्न सिफारिस

छिन्नमस्ता गाउँपालिकाले कृषि विद्युत् बिल तिरिदिने