मोरङ– राउण्ड टेबल नेपालले मोरङको बुढीगंगा गाउँपालिका–४ स्थित सरस्वती सदन आधारभूत विद्यालयलाई कक्षाकोठा निर्माण गरी हस्तान्तरण गरेको छ ।
राउण्ड टेबलले सो विद्यालयमा बहुवर्ष योजनाअन्र्तगत २ करोडभन्दा बढी लगानी गर्दै आवश्यक सम्पूर्ण भौतिक साधन जुटाई दिएको हो । विद्यालय परिसरमा बिहिबार आयोजित कायक्रमकाबीच राउण्ड टेबल नेपालका अध्यक्ष आनन्द बाहेतीले विद्यालय परिसरमा हालै निर्माण गरिएको ४ कोठे भवनको उद्घाटन गरेका थिए ।
विराटनगर प्लाटिनम राउण्ड टेबल नेपालले यूरोपस्थित राउण्ड टेबल यूरो–११ सँग सहकार्य गर्दै सो विद्यालयमा ४० लाखको लगानीमा ४ कोठे पक्की भवन थप गरेको हो । नेपालले सोही संस्थासँग सहकार्य गर्दै उक्त विद्यालयमा यस अघि नै १६ वटा कोठा निर्माण गरिसकेको छ ।
विराटनगर राउण्ड टेबल नेपालले सन् २००६ यता उक्त विद्यालयको अभिभावकत्व ग्रहण गरेको छ । अभिभावकत्व ग्रहण गरिएयता विद्यालयमा निरन्तर भौतिक संरचनाको निर्माण गर्दै आएको विराटनगर राउण्ड टेबल प्लाटिनम ११ का अध्यक्ष प्रणव तोदीले बताए।
थप गरिएको ४ कोठासँगै हालसम्म राउण्ड टेबल नेपालले उक्त विद्यालयमा २० वटा कोठको निर्माण सम्पन्न गरिसकेको छ । निर्मित कोठाहरुबाट विद्यालयको प्रशासनिक काम कारवाहीका साथै विद्यार्थीहरुको अध्ययन अध्यापन हुने गरेको छ । विद्यालयको शैक्षिक गुणस्तर अभिवृद्वि गर्न समेत नेपालले भूमिका निर्वाह गर्दै आएको छ ।
आफुहरुले अभिभावकत्व ग्रहण गर्नु अघि उक्त विद्यालय नजिकैको जग्गामा टिनको छानो भएको कोठामा संचालन हुने गरेको राउण्ड टेबल नेपालका पूर्वअध्यक्ष दिवाकर राठीले जानकारी दिए । बिजोग अवस्था देखेर आफ्नो संस्थाले सो विद्यालयको अभिभावकत्व ग्रहण गरेको र विकास निर्माण तथा भौतिक सामग्री जुटाइदिने काममा निरन्तरलाग्दै आएको राठीले बताए ।
राउण्ड नेपाल-११ ले हालसम्म उक्त विद्यालयमा स्वच्छ खानेपानी, शौचालय, साईकल पार्किङ लगायत आवश्यक सम्पूर्ण भौतिक पुर्वाधार निर्माण गरिदिएको छ । बितेको १५ वर्षमा युरो-११ सँग सहकार्य गर्दै उक्त विद्यालयमा राउण्ड टेबल ११ ले २ करोड बढी लगानी गरिसकेको छ ।
विद्यालयका लागि आवश्यक सम्पुर्ण भौतिक संरचना राउण्ड टेबलले जुटाई दिएपछि अब आफूहरु विद्यालयको स्तरोन्नती र शैक्षिक गुणस्तर वृद्धि गर्न लागिपरेको विद्यालयका ब्यवस्थापन समिति अध्यक्ष हक्मुद्धिनले बताए ।
यसैवीच मोेरङको रंगेली नगरपालिका ७ मा रहेको आदर्श निम्न माध्यमिक विद्यालयलाई राउण्ड टेवल ५ द्वारा ४ वटा कोठा निर्माण गरी आज एक कार्यक्रमका बीच विद्यालयलाई हस्तान्तरण गरिएको छ ।
राउण्ड टेवल नेपालका अध्यक्ष आनन्द बाहेती र मेयर दिलिप बगडियाले नवनिर्मित कोठामा रिवन काटेर हस्तान्तरण गरेका थिए। कार्यक्रममा मेयर बगडियाले सो बिधालयमा अरु कोठा र अंग्रेजी शिक्षा दिने प्रतिवद्वता जनाएका छन् ।
विद्यालयमा चार सय ६५ विद्यार्थी अध्ययनरत छन् । विद्यालयमा राउण्ड टेबुलले १५ वर्षदेखि यता लगभग ५० लाख खर्च गरिसकेको विराटनगर राउण्ड टेबुल ५ का अध्यक्ष टेबलर ऋषभ दाहालले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778155080.jpg)
-1764146706.png)
